ഉര്‍വശിയെ വിട്ടുകൊടുക്കാതെ കുഞ്ഞാറ്റ; അച്ഛനൊപ്പമുള്ള മനോഹര നിമിഷങ്ങളൊന്നും മിസ്സാക്കാറില്ല! സന്തോഷ നിമിഷങ്ങള്‍ പങ്കുവച്ച് താരപുത്രി!
ഉര്‍വശിയെ വിട്ടുകൊടുക്കാതെ കുഞ്ഞാറ്റ; അച്ഛനൊപ്പമുള്ള മനോഹര നിമിഷങ്ങളൊന്നും മിസ്സാക്കാറില്ല! സന്തോഷ നിമിഷങ്ങള്‍ പങ്കുവച്ച് താരപുത്രി
അച്ഛനും അമ്മയും രണ്ട് ജീവിതത്തിലേക്ക് മാറിയെങ്കിലും കുഞ്ഞാറ്റ ഇപ്പോഴും രണ്ടു പേര്‍ക്കുമൊപ്പമായാണ് ജീവിയ്ക്കുന്നത്. കുടുംബ വിശേഷങ്ങള്‍ സോഷ്യല്‍ മീഡിയയിലൂടെ നിരന്തരം പങ്കുവയ്ക്കുന്ന താരപുത്രി ഇപ്പോഴിതാ കുറച്ച് നല്ല ഫാമിലി ടൈം ഫോട്ടോകളുമായി എത്തിയിരിക്കുന്നു
സിനിമയില്‍ അഭിനയിക്കാതെ തന്നെ ഇപ്പോള്‍ ഒരു താര പരിവേഷം കിട്ടിയ താരപുത്രിയാണ് കുഞ്ഞാറ്റ എന്ന തേജലക്ഷ്മി ജയന്‍. മനോജ് കെ ജയന്റെയും ഉര്‍വശിയുടെയും അഭിനയ പാരമ്പര്യം പിന്‍തുടരാന്‍ ആഗ്രഹിക്കുന്ന കുഞ്ഞാറ്റ സമീപകാലത്തായി സോഷ്യല്‍ മീഡിയയില്‍ വളരെ അധികം ആക്ടീവാണ്. തന്റെ വിശേഷങ്ങളും കുടുംബത്തിനൊപ്പമുള്ള നല്ല നിമിഷങ്ങളും താരപുത്രി നിരന്തരം സോഷ്യല്‍ മീഡിയയിലൂടെ പങ്കുവയ്ക്കാറുണ്ട്.
അച്ഛനും ആശ അമ്മയ്ക്കും സഹോദരനുമൊപ്പം ചില്ലിങ് ചെയ്യുന്ന വിശേഷങ്ങളും സന്തോഷ നിമിഷങ്ങളുമാണ് കഴിഞ്ഞ രണ്ട് ദിവസങ്ങളായി കുഞ്ഞാറ്റ ഇന്‍സ്റ്റഗ്രാം പോസ്റ്റിലൂടെയും സ്‌റ്റോറിയിലൂടെയുമൊക്കെ പങ്കുവയ്ക്കുന്നത്. മനോജ് കെ ജയനും ആശയ്ക്കുമൊപ്പം ഇപ്പോള്‍ ബെംഗളൂരുവിലാണ് കുഞ്ഞാറ്റ. അവിടെ വച്ച് അച്ഛന്‍ പകര്‍ത്തിയ തന്റെ സ്റ്റൈലന്‍ ചിത്രവും കുഞ്ഞാറ്റ പങ്കുവച്ചിട്ടുണ്ട്. സ്റ്റൈലിന്റെ കാര്യത്തില്‍ മനോജ് കെ ജയനും ഒട്ടും പിന്നില്ലല്ലോ, അപ്പോള്‍ മകള്‍ ഇങ്ങനെ ആയില്ലെങ്കിലേ അത്ഭുതമുള്ളൂ എന്ന് ആരാധകരും പറയുന്നു.
കൂളിങ് ഗ്ലാസും വച്ച്, സ്റ്റൈലായി നടന്നുവരുന്ന കുഞ്ഞാറ്റയുടെ ഫോട്ടോ ആണ് മനോജ് കെ ജയന്‍ പകര്‍ത്തിയിരിക്കുന്നത്. ‘ബിഗ് സെറ്റപ്പര്‍’ എന്ന ക്യാപ്ഷനോടെ കുഞ്ഞാറ്റ ചിത്രം പങ്കുവച്ചു. ശാലിന്‍ സോയ അടക്കമുള്ളവര്‍ ചിത്രത്തിന് കമന്റും ലൈക്കുമായി എത്തിയിട്ടുണ്ട്. ഇന്‍സ്റ്റഗ്രാം സ്‌റ്റോറിയായി കുഞ്ഞാറ്റ പങ്കുവച്ചിരിയ്ക്കുന്നത് ഒരു ഫാമിലി ചിത്രവും, ആശ അമ്മയുടെ ഒറ്റയ്ക്കുള്ള ഒരു സ്റ്റൈലന്‍ ചിത്രവുമാണ്.
അച്ഛനും അമ്മയും വേര്‍പിരിഞ്ഞതിന് ശേഷം അച്ഛനൊപ്പം പോകാനായിരുന്നു കുഞ്ഞാറ്റ തീരുമാനിച്ചത്. ഇപ്പോള്‍ ജീവിക്കുന്നതും അച്ഛനൊപ്പം തന്നെയാണ്. അതേസമയം അമ്മ ഉര്‍വശിയെ വിട്ടുകൊടുക്കാറുമില്ല, പറ്റുന്നത്ര സമയമൊക്കെ അമ്മയ്‌ക്കൊപ്പവും ചെലവഴിക്കാറുണ്ട്. ഈ ഇന്‍സ്റ്റഗ്രാം സ്റ്റോറിയ്ക്ക് തൊട്ടുമുന്‍പ് കുഞ്ഞാറ്റ പങ്കുവച്ചത് അമ്മയ്‌ക്കൊപ്പം ക്ലോസ് ആയി നില്‍ക്കുന്ന ഒരു സെല്‍ഫി ചിത്രമാണ്.
മനോജ് കെ ജയനും ഉര്‍വശിയും ഇപ്പോള്‍ യാതൊരു തര സൗഹൃദ ബന്ധവും സൂക്ഷിക്കുന്നില്ല എങ്കിലും, മകള്‍ക്കിടയില്‍ ആ അകല്‍ച്ച ഇരുവരും പ്രകടിപ്പിച്ചിട്ടില്ല. കുഞ്ഞാറ്റയ്ക്ക് ഇത്ര സന്തോഷത്തോടെ രണ്ടു പേര്‍ക്കുമിടയില്‍ ഒരുമിച്ച് മുന്നോട്ട് പോകാന്‍ കഴിയുന്നത്, മനോജ് കെ ജയനും ഉര്‍വശിയും നല്‍കുന്ന ആ പരസ്പര ബഹുമാനം കൊണ്ട് തന്നെയാണ് എന്നാണ് ആരാധകരുടെ പക്ഷം.
@All rights reserved Typical Malayali.
Leave a Comment