നിന്നെ അത്രയും അറിയുന്നത് കൊണ്ടല്ലേ അര്ജുന് കല്യാണം കഴിച്ചത്! സൗഭാഗ്യയെ ട്രോളി താര കല്യാണ്‍
യൂട്യൂബ് ചാനലുമായി സജീവമാണ് സൗഭാഗ്യ വെങ്കിടേഷ്. ജീവിതത്തിലെ എല്ലാ വിശേഷങ്ങളും സൗഭാഗ്യ ചാനലിലൂടെ പങ്കുവെക്കാറുണ്ട്. അമ്മയ്ക്കും ഭര്‍ത്താവിനുമൊപ്പമായാണ് സൗഭാഗ്യ പുതിയ വീഡിയോ പങ്കുവെച്ചത്. ആര്‍ക്കാണ് എന്നെ കൃത്യമായി അറിയുന്നത് എന്നത് ഒന്ന് പരിശോധിച്ച് നോക്കാം. അതില്‍ ഇത്ര സംശയിക്കാനൊന്നുമില്ല അര്ജുന് തന്നെയായിരിക്കും നിന്നെ കൂടുതലായി മനസിലാക്കിയതെന്നായിരുന്നു താര കല്യാണ്‍ പറഞ്ഞത്. 20 ചോദ്യങ്ങളുമായാണ് സൗഭാഗ്യ എത്തിയത്. ടീച്ചറല്ലേ, ചില കാര്യങ്ങളില്‍ ഞാന്‍ വിട്ട് തരാമെന്ന് അര്ജുന് പറയുന്നുണ്ടായിരുന്നു.
എത്ര വയസിലായിരുന്നു എന്റെ വിവാഹം എന്ന് അമ്മയ്ക്ക് ഓര്‍മ്മയുണ്ടോയെന്ന് ചോദിച്ചപ്പോള്‍ എനിക്കറിഞ്ഞൂട എന്നായിരുന്നു താര കല്യാണ്‍ പറഞ്ഞത്. 27 വയസിലെന്നായിരുന്നു അര്‍ജുന്റെ മറുപടി. അര്ജുന് തന്നെയാണ് നിന്നെ കൂടുതലായി അറിയുന്നത്. അതുകൊണ്ടാണല്ലോ അര്ജുന് നിന്നെ കല്യാണം കഴിച്ചതെന്നും താര ചോദിക്കുന്നുണ്ടായിരുന്നു. അനുക്കുട്ടിയായിരുന്നു മാര്‍ക്കിട്ടത്.
തന്റെ ഇഷ്ടാനിഷ്ടങ്ങളെക്കുറിച്ചുള്ള ചോദ്യങ്ങളായിരുന്നു സൗഭാഗ്യ ചോദിച്ചത്. ചിലതൊക്കെ അര്ജുന് ശരിയാക്കിയപ്പോള്‍ മറ്റ് ചിലത് അമ്മയ്ക്ക് വിട്ടുകൊടുക്കുകയായിരുന്നു. ടീച്ചര്‍ പറഞ്ഞോട്ടെ എന്ന് കരുതിയതാണ്. സൗഭാഗ്യയുടെ ആദ്യ ഡാന്‍സ് പെര്‍ഫോമന്‍സിനെക്കുറിച്ച് ചോദിച്ചപ്പോള്‍ താരയായിരുന്നു ശരിയുത്തരം പറഞ്ഞത്. അത് എനിക്കും അറിയാവുന്നതാണ്, അതല്ലേ ഞാന്‍ എപ്പോഴും മോളെ അത് പഠിപ്പിക്കുന്നതെന്നായിരുന്നു അര്ജുന് ചോദിച്ചത്.
കൂടുതല്‍ ഉത്തരങ്ങള്‍ ശരിയാക്കിയത് അര്‍ജുനായിരുന്നു. എന്നെ സപ്പോര്‍ട്ട് ചെയ്യാന്‍ ഇവിടെ ആരും ഇല്ലെന്നായിരുന്നു താര കല്യാണിന്റെ കമന്റ്. ഇവര് തമ്മില്‍ പോരടിക്കുമെന്ന് കരുതിയാണ് ഇങ്ങനെയൊരു വീഡിയോ എടുത്തത്. എന്നാല്‍ ഇവരിത് സൗഹൃദകരമായൊരു സംഭാഷണമായി മാറ്റിയിരിക്കുകയാണ്. ഇനി അനുവും ചേട്ടനുമൊപ്പമായി ഞാന്‍ ഇതുപോലെയൊരു വീഡിയോ എടുക്കുന്നുണ്ട്. അപ്പോള്‍ എന്തായാലും ഒരു ഫൈറ്റ് കാണാന്‍ കഴിയുമെന്നും സൗഭാഗ്യ പറയുന്നുണ്ട്.
എന്നെ വളര്‍ത്തിയ അമ്മയ്‌ക്കോ, കല്യാണം കഴിച്ച അര്‍ജുനോ എന്നെ നന്നായി അറിയുന്നത് എന്ന് ചോദിച്ചാല്‍ അത് അര്ജുന് ചേട്ടനാണ്. എല്ലാ ചോദ്യങ്ങളും അര്ജുന് അനുകൂലമായി ചോദിച്ചു, അര്‍ജുനായിട്ട് വിട്ട് തന്ന ചോദ്യങ്ങള്‍ക്കാണ് ഞാന്‍ ശരിയുത്തരം നല്‍കിയത്. ഇത് ശരിയല്ല. എന്നെ നിങ്ങള്‍ സപ്പോര്‍ട്ട് ചെയ്യണമെന്നുമായിരുന്നു താര കല്യാണ്‍ പറഞ്ഞത്. അങ്ങനെയൊന്നുമല്ല, കെട്ടിച്ച് വിട്ടപ്പോള്‍ അമ്മ എന്നെ മറന്നതല്ല അല്ലേയെന്ന് പറഞ്ഞ് കളിയാക്കുകയായിരുന്നു സൗഭാഗ്യ. രസകരമായ വീഡിയോ ഇതിനകം തന്നെ ശ്രദ്ധ നേടിക്കഴിഞ്ഞിട്ടുണ്ട്.
@All rights reserved Typical Malayali.
Leave a Comment