മഞ്ജു വാരിയർ എല്ലാം ഏറ്റു പറഞ്ഞ് എല്ലാവരോടും മാപ്പ് ചോദിച്ചു

മറ്റൊരു മഞ്ജു വാര്യര്‍ സിനിമ കൂടെ തിയേറ്ററിലേക്ക് എത്താന്‍ പോകുന്നു. ഫൂട്ടേജ് എന്ന ചിത്രത്തിന്റെ പ്രമമോഷന്‍ പരിപാടികളില്‍ എല്ലാം മഞ്ജു വളരെ അധികം സജീവമായിരുന്നു. എന്നാല്‍ എല്ലാ സിനിമയുടെ പ്രമോഷനും പറയുന്നത് പോലെ ഒരു ഡയലോഗ് ഈ സിനിമയുടെ പ്രമോഷന് എത്തിയപ്പോള്‍ മഞ്ജു പറഞ്ഞിട്ടില്ല, ‘കുടുംബവും കുട്ടികളുമായി എല്ലാവരും സിനിമ കാണണം’ എന്ന്. അങ്ങനെ കാണാന്‍ പറ്റിയ ഒരു സിനിമയല്ല ഫൂട്ടേജ്.

ഫൂട്ടേജ് കാണാന്‍ പോകുന്നതിന് മുന്‍പേ ഉത്തരവാദിത്വമുള്ള ഒരു സ്ത്രീ എന്ന നിലയില്‍ മഞ്ജു വാര്യര്‍ പങ്കുവച്ച വീഡിയോ ആരാധകര്‍ ഏറ്റെടുക്കുകയാണ്. ‘പൊതുവെ എന്റെ സിനിമകള്‍ തിയേറ്ററില്‍ വന്നിരുന്ന് കാണുന്നത് ഭൂരിഭാഗവും കുടുംബ പ്രേക്ഷകരാണ്. കുഞ്ഞുങ്ങളും ഗ്രാന്റ് പാരന്റ്‌സും പാരന്റ്‌സും എല്ലാവരും അടങ്ങുന്ന കുടുംബം ഒന്നടങ്കമാണ് തിയേറ്ററിലേക്ക് വന്ന് സിനിമ കാണുന്നത്. എന്നാല്‍ ഈ സിനിമയ്ക്ക് അതില്‍ നിന്ന് ഒരു വ്യത്യാസമുണ്ട്’ എന്ന് മഞ്ജു പറയുന്നു.

‘ഈ സിനിമ 18 പ്ലസ് പ്രേക്ഷകരെ ഉദ്ദേശിച്ചുകൊണ്ടുള്ളതാണ്. ഈ ഒരു വിവരം മനസ്സില്‍ വച്ചിട്ട് ഉത്തരവാദിത്വത്തോടെ സിനിമ തിയേറ്ററില്‍ വന്ന് കാണുക.’ എന്ന് മഞ്ജു പറഞ്ഞു. ‘ഫൂട്ടേജ് 18 പ്ലസ് ആണേ, ശ്രദ്ധിക്കണേ അമ്പാനേ’ എന്ന ക്യാപ്ഷനോടെയാണ് മഞ്ജു വീഡിയോ പങ്കുവച്ചിരിയ്ക്കുന്നത്. ഫൂട്ടേജ് എന്ന സിനിമയുടെ പ്രമോഷന്‍ ഡ്രസ്സ് ആണ് മഞ്ജു ധരിച്ചിരിയ്ക്കുന്നത്.

ഉത്തരവാദിത്വത്തോടെ ഇങ്ങനെ ഒരു കാര്യം അറിയിച്ചതുകൊണ്ട് തന്നെ മഞ്ജു വാര്യര്‍ എന്ന അഭിനേത്രിയോടുള്ള ബഹുമാനം കൂടുന്നു, തീര്‍ച്ചയായും ഇക്കാര്യങ്ങള്‍ ശ്രദ്ധിക്കും എന്നൊക്കെ കമന്റില്‍ പ്രതികരണം വരുന്നുണ്ട്. സൈജു ശ്രീധരന്‍ സംവിധാനം ചെയ്യുന്ന ഫൂട്ടേജ് എന്ന ചിത്രത്തില്‍ മഞ്ജുവിനെ കൂടാതെ വിശാഖ് നായരും ഗായത്രി അശോകുമാണ് മറ്റ് രണ്ട് കഥാപാത്രങ്ങളായി എത്തുന്നത്. ചിത്രത്തിന്റെ ടീസറും പോസ്റ്ററുമൊക്കെ വൈറലായിരുന്നു.

ഫൂട്ടേജ് കൂടാതെ മറ്റ് രണ്ട് സിനിമകള്‍ കൂടെ മഞ്ജുവിന്റേതായി തിയേറ്റര്‍ റിലീസിനായി ഒരുങ്ങി നില്‍ക്കുകയാണ്. രണ്ടും തമിഴ് സിനിമകളാണ്!. വിജയ് സേതുപതിയ്‌ക്കൊപ്പമുള്ള വിടുതലൈ പാര്‍ട്ട് 2 ഉം, രജിനികാന്തിനൊപ്പമുള്ള വേട്ടൈയനും. രജിനിയുടെ ഭാര്യയായിട്ടാണ് ചിത്രത്തില്‍ മഞ്ജു എത്തുന്നത്.

@All rights reserved Typical Malayali.