മറുക് കൊണ്ട് ഇങ്ങനെ ഒരു ഭാഗ്യം ഉണ്ടാവുമെന്ന് സ്വപ്നത്തിൽ പോലും വിചാരിച്ചില്ല ..മുഖത്തെ മറുക് കാരണം കിട്ടിയ ഭാഗ്യത്തെ കുറിച്ച് ബിന്ദു കൃഷ്ണ, മഞ്ജു വാര്യരാണ് അതിന് കാരണം.

മുഖത്തെ മറുക് കാരണം കിട്ടിയ ഭാഗ്യത്തെ കുറിച്ച് ബിന്ദു കൃഷ്ണ, മഞ്ജു വാര്യരാണ് അതിന് കാരണം.
വിവാഹത്തിന് മുന്‍പേ തന്നെ തുടര്‍ന്ന് അഭിനയിക്കാന്‍ പറ്റിയില്ലെങ്കിലും എന്തെങ്കിലും ജോലി ചെയ്യാന്‍ പറ്റണം എന്ന് ഞാന്‍ പറഞ്ഞിരുന്നു. അഭിനയിക്കുന്നതാണ് ഇഷ്ടം എങ്കില്‍ അത് തന്നെ തുടര്‍ന്നോളൂ എന്ന് അദ്ദേഹം പറഞ്ഞു. വളരെ അധികം സപ്പോര്‍ട്ട് ആണ് ഭര്‍ത്താവ്- ബിന്ദു കൃഷ്ണ പറഞ്ഞു.തെങ്കാശിപ്പട്ടണം പോലുള്ള സിനിമകളിലൂടെ ശ്രദ്ധേയായ നടിയാണ് ബിന്ദു കൃഷ്ണ. എന്നാല്‍ ഇപ്പോള്‍ കൂടുതലും ശ്രദ്ധ കേന്ദ്രീകരിച്ചിരിയ്ക്കുന്നത് സീരിയലുകളിലാണ്. നീലക്കുയില്‍ എന്ന സീരിയലിലെ ബിന്ദുവിന്റെ വേഷം എല്ലാം ശ്രദ്ധേയമായിരുന്നു. നിലവില്‍ സീതാരാമം എന്ന സീരിയലിലാണ് നടി അഭിനയിച്ചുകൊണ്ടിരിയ്ക്കുന്നത് സീരിയല്‍ ടുഡെയ്ക്ക് നല്‍കിയ അഭിമുഖത്തില്‍ സംസാരിക്കവെ താനൊരു നടി ആയതിനെ കുറിച്ച് ബിന്ദു സംസാരിക്കുകയുണ്ടായി.കണ്ണാടിയില്‍ നോക്കിയാല്‍ നമുക്ക് കാണാന്‍ പാകത്തിന് കറുത്ത മറുക് ഉണ്ടെങ്കില്‍ അത് ഭാഗ്യമാണെന്നാണ് പറയപ്പെടുന്നത്, അങ്ങിനെ എങ്കില്‍ ചുണ്ടിന് മുകളിലുള്ള ഈ മറുക് കാരണം എന്തെങ്കിലും ഭാഗ്യം ജീവിതത്തില്‍ ലഭിച്ചിട്ടുണ്ടോ എന്നായിരുന്നു അവതാരകയുടെ ചോദ്യം. അങ്ങിനെ ചോദിച്ചാല്‍ ഞാന്‍ ഇന്ന് നില്‍ക്കുന്ന പ്രൊഫഷന്‍ പോലും അങ്ങിനെ ആഗ്രഹിച്ച് കിട്ടിയ ഭാഗ്യമാണ് എന്ന് ബിന്ദു കൃഷ്ണ പറയുന്നു.

പാലക്കാട് ജില്ലയില്‍ ഒരു സാധാരണ കുടുംബത്തിലാണ് ഞാന്‍ ജനിച്ചത്. സിനിമ എന്താണെന്നും അഭിനയം എന്താണെന്ന് പോലും എനിക്ക് അറിയില്ല. ഒരു ഷൂട്ടിങ് പോലും കണ്ടിട്ടില്ല. പക്ഷെ ചെറുപ്പത്തിലെങ്ങോ അഭിനയിക്കണം എന്ന ആഗ്രഹം മനസ്സിലുണ്ടായിരുന്നു. സത്യം പറഞ്ഞാല്‍ മഞ്ജു വാര്യരിന്റെ ഈ പുഴയും കടന്ന് എന്ന സിനിമ കണ്ടപ്പോഴൊക്കെയാണ് ആഗ്രഹം കലശലായി വന്നത്.സിനിമയില്‍ അഭിനയിക്കണം എന്ന ആഗ്രഹം ഉണ്ടായിരുന്നുവെങ്കിലും വീട്ടില്‍ പറയാനുള്ള ധൈര്യം ഒന്നും ഉണ്ടായിരുന്നില്ല. യാതൊരു അറിവും സാഹചര്യങ്ങളും ഇല്ലാതെ എങ്ങിനെയാണ് അഭിനയിക്കണം എന്ന് പറഞ്ഞ് ഇറങ്ങുന്നത്. പക്ഷെ നമ്മുടെ ആഗ്രഹം സത്യമാണെങ്കില്‍ അത് ഏതെങ്കിലും വിധത്തില്‍ സഫലമാകും എന്ന് പറഞ്ഞത് പോലെയാണ് എനിക്ക് അഭിനയിക്കാനുള്ള അവസരം ലഭിച്ചത്. സുഹൃത്ത് വഴി ടെലി ഫിലീമിലൂടെയായിരുന്നു തുടക്കം. പിന്നീട് ഓരോ അവസരങ്ങളായി വന്നു.മഞ്ജു ചേച്ചി കാരണമാണ് എനിക്ക് അഭിനയ മോഹം വന്നത് എന്ന് ഒരിക്കല്‍ ഞാന്‍ ചേച്ചിയോട് പറഞ്ഞിട്ടുണ്ട്. കരിങ്കുന്നം സിക്‌സസ് എന്ന സിനിമയില്‍ ചേച്ചിക്കൊപ്പം അഭിനയിക്കാന്‍ ഒരു അവസരം കിട്ടിയിരുന്നു. അന്ന് സംസാരിക്കാനായി സാധിച്ചു. കോണ്ടാക്ട് നമ്പറും കിട്ടി. ചേച്ചിയുടെ പണ്ടത്തെ ഫോട്ടോയും ഫോട്ടോ കട്ടിങ്‌സും എല്ലാം എന്റെ കൈയ്യിലുണ്ട്. അതൊക്കെ അയച്ച് കൊടുക്കുമ്പോള്‍ സന്തോഷം അറിയിക്കും.വിവാഹം ലവ് കം അറേഞ്ച്ഡ് ആണ്. ഇഷ്ടമാണെന്ന് പറഞ്ഞപ്പോള്‍ വീട്ടില്‍ വന്ന് സംസാരിക്കാന്‍ പറഞ്ഞു. അദ്ദേഹം മലപ്പുറത്ത് കാരനാണ്. വീട്ടുകാര്‍ക്ക് എതിര്‍പ്പ് ഉണ്ടായിരുന്നില്ല. വിവാഹത്തിന് മുന്‍പേ തന്നെ തുടര്‍ന്ന് അഭിനയിക്കാന്‍ പറ്റിയില്ലെങ്കിലും എന്തെങ്കിലും ജോലി ചെയ്യാന്‍ പറ്റണം എന്ന് ഞാന്‍ പറഞ്ഞിരുന്നു. അഭിനയിക്കുന്നതാണ് ഇഷ്ടം എങ്കില്‍ അത് തന്നെ തുടര്‍ന്നോളൂ എന്ന് അദ്ദേഹം പറഞ്ഞു. വളരെ അധികം സപ്പോര്‍ട്ട് ആണ് ഭര്‍ത്താവ്- ബിന്ദു കൃഷ്ണ പറഞ്ഞു.

@All rights reserved Typical Malayali.