ആദ്യം ഒക്കെ വിഷമം അഭിനയിച്ചിരുന്നു ഇയാൾ ഇപ്പോൾ അതും ഇല്ല – ആ കുഞ്ഞു ഇതു കണ്ടാൽ

മോളുടെ കിടപ്പ് കണ്ട് സഹിച്ചില്ല; ആ ചേച്ചി ഇവന്‍റെ പീഡനം സഹിക്കാൻ വയ്യാതെ ആത്മഹത്യ ചെയ്തു; അവന് ഒരു മാനസിക രോഗവും ഇല്ല; ആ കാഴ്ച നേരിൽ കണ്ട നാട്ടുകാർ.നാടിനെ നടുക്കിയ ക്രൂര കൊലപാതകത്തിന്‍റെ പശ്ചാത്തലത്തിൽ നക്ഷത്രയുടെ അമ്മ വിദ്യയുടെ ആത്മഹത്യ കൂടി അന്വേഷിക്കണമെന്നാണ് നാട്ടുകാർ പറയുന്നത്. വിദ്യയെ കൊലപ്പെടുത്തിയതാണെന്നും ഇവർ ആരോപിക്കുന്നു.താൻ വന്നപ്പോൾ കുഞ്ഞിനെ ആക്രമിച്ച മഴുകൊണ്ട് മഹേഷ് റോഡിലൂടെ നടക്കുന്നതാണ് കണ്ടതെന്ന് വാർഡ് മെമ്പറും പ്രതികരിച്ചു. അയൽവക്കക്കാരൊക്കെ ഉണ്ടായിരുന്നു. അമ്മ തൊട്ടടുത്ത വീട്ടിലായിരുന്നു. പിന്നീട് ആളുകൾ കൂടുകയായിരുന്നെന്നും അവ‍ പറഞ്ഞു. കുട്ടിയെ കൊന്ന സാഹചര്യത്തിൽ ഭാര്യയുടെ മരണ കേസും അന്വേഷിക്കണമെന്നും അവ‍ ആവശ്യപ്പെട്ടു.ഒരു പ്രശ്നവും ഇല്ലാതിരുന്ന മഹേഷിന് ഇപ്പോൾ എവിടെ നിന്നാണ് മാനസിക പ്രശ്നം വന്നതെന്നാണ് അയൽവാസിയായ കുട്ടി ചോദിക്കുന്നത്. മാധ്യമങ്ങൾ വന്നുകഴിഞ്ഞപ്പോൾ ഉടനെ മാനസിക വിഭ്രാന്തിയായി. ഇതുവരെയില്ലാത്ത മാനസിക വിഭ്രാന്തി അവന് എവിടെനിന്ന് ഉണ്ടായെന്ന് ഞങ്ങൾക്കറിയണം. ആ കുഞ്ഞിന്റെ അതേ പ്രായമുള്ള ഒരു അനുജത്തി എനിക്കുമുണ്ട്. ഈ കുഞ്ഞിൻ്റെ അമ്മയുടെ പ്രായമുള്ളയാളാണ് നമ്മുടെ വാർഡ് മെമ്പർ, അങ്ങനെ ഒരോരുത്തർക്കും അറിയണം. നിയമം അ‍ർഹിക്കുന്ന എന്ത് ശിക്ഷയാണെങ്കിലും അവന് അത് കിട്ടണമെന്നാണ് ഞങ്ങൾ ഓരോരുത്തരും ആഗ്രഹിക്കുന്നത്. വധശിക്ഷയെങ്കിൽ വധശിക്ഷ.ബുധനാഴ്ച രാത്രി എട്ട് മണിയോടെയാണ് ആലപ്പുഴ പുന്നമൂടിൽ കേരളക്കരയെ നടുക്കിയ കൊലപാതകം നടന്നത്. ആറുവയസുകാരി നക്ഷത്രയെ അച്ഛൻ മഹേഷ് മഴുകൊണ്ടാണ് വെട്ടിക്കൊന്നത്. വിവരമറിഞ്ഞ് വീട്ടിലേക്കെത്തിയവരെല്ലാം ചോരയിൽ കുളിച്ച് കിടക്കുന്ന കുഞ്ഞിനെക്കണ്ട് വാവിട്ട് കരഞ്ഞു. വീട്ടിൽ നിന്നുള്ള ബഹളം കേട്ട് തൊട്ടടുത്ത വീട്ടിൽ നിന്ന് ഓടിയെത്തിയ സ്വന്തം അമ്മ സുനന്ദയെയും മ​ഹേഷ് വെട്ടിയിരുന്നു. ഭാര്യ വിദ്യയുടെ മരണശേഷം മഹേഷും നക്ഷത്രയുമായിരുന്നു വീട്ടിലുണ്ടായിരുന്നത്. മൂന്ന് വർഷം മുന്നേയാണ് വിദ്യ ഈ വീട്ടിൽ തൂങ്ങിമരിച്ചത്.

സുനന്ദയുടെ നിലവിളി കേട്ട് ആ വീട്ടിലേക്കെത്തിയ തങ്ങൾ കാഴ്ച കണ്ട് ഞെട്ടിയെന്നാണ് തൊട്ടടുത്ത വീട്ടിലെ കുട്ടി ഫേബ എൽസ ബിഹൈൻഡ് വുഡ്സിനോട് പ്രതികരിച്ചത്. ഇവരായിരുന്നു സുനന്ദയെ രക്ഷിച്ച് തങ്ങളുടെ വീട്ടിലേക്ക് കൊണ്ടുപോയത്. താനും മെമ്പർ ചിത്രാന്‍റിയും നോക്കുമ്പോൾ മരിച്ചു കിടക്കുന്ന കുഞ്ഞിനെയാണ് നമ്മൾ കാണുന്നത്. എങ്ങനെയാണ് ആ കാഴ്ച സഹിച്ചതെന്ന് ഇപ്പോളും ഞങ്ങൾക്കറിയില്ലെന്നാണ് ഇവ‍ർ പറയുന്നത്.അയാൾക്ക് ഒരു മാനസിക പ്രശ്നവും ഇല്ലായിരുന്നു. നേരത്തെ ​ഗൾഫിലായിരുന്നു. അച്ഛൻ മരിച്ചപ്പോഴാണ് നാട്ടിൽ വന്നതാണ്. അന്ന് മുതലേ ഇങ്ങനെയാണ്. ഈ മഹേഷിൻ്റെ പീഡനം സഹിക്കവയ്യാതെയാണ് ആ ചേച്ചി ഈ വീട്ടിൽ തന്നെ ആത്മഹത്യ ചെയ്തതെന്നും അയൽക്കാർ ആരോപിച്ചു. മൂന്ന് വർഷം മുന്നേയായിരുന്ന വിദ്യയുടെ മരണം.ഞങ്ങളുടെ കൺമുന്നിൽ കളിച്ചു വള‍ന്ന കൊച്ചിനെ, ഞങ്ങളുടെ കുഞ്ഞിനെപ്പോലെ തന്നെയാണ് ഞാൻ കണ്ടിട്ടുള്ളത്. രണ്ടാം ക്ലാസിലാണ് പഠിച്ചിരുന്നത്. സുനനന്ദ അമ്മയുടെ ശബ്ദം കേട്ടിട്ടാണ് വീട്ടിൽ പഠിച്ചോണ്ടിരുന്ന ഞാൻ ഓടി വന്നത്. ഏഴേമുക്കാൽ ആയിട്ടുണ്ടാകും. വീട്ടിൽ വാതിൽ പൂട്ടി ഇരിക്കുമ്പോഴാണ് ആ അമ്മയുടെ അലർച്ച കേൾക്കുന്നത്. ഞങ്ങൾ എത്താൻ വൈകിയതുകൊണ്ടാണ് അമ്മയ്ക്ക് മുറിവ് പറ്റിയത്. ഞങ്ങൾ പോലീസിനെ വിളിക്കുമെന്ന് പറഞ്ഞപ്പോൾ അതിൻ്റെ ദേഷ്യത്തിലാണ് പുള്ളിക്കാരൻ ഞങ്ങളെ ആക്രമിക്കാൻ വന്നത്.അയാൾക്ക് മഴു പിടിച്ച് നേരത്തെ പരിചയം ഉണ്ടെന്നാണ് തോന്നുന്നത്. അമ്മയെ വിളിച്ച് ഞങ്ങൾ ഞങ്ങളുടെ വീട്ടിലേക്ക് കൊണ്ടുപോയി. അപ്പോഴാണ് അമ്മ പറയുന്നത് എൻ്റെ കുഞ്ഞ് അവിടാണെന്ന്. ഈ സമയത്താണ് മെമ്പ‍ർ വരുന്നത്. ചിത്രാൻ്റിയോട് കുഞ്ഞ് ഇവൻ്റെ അടുത്തുണ്ടെന്നും എന്തെങ്കിലും സംഭവിക്കുന്നതിന് മുന്നേ എടുത്തുകൊണ്ടുവരണമെന്നും പറഞ്ഞു. അങ്ങനെ ചിത്രാൻ്റിയാണ് കുഞ്ഞിനെ നോക്കുന്നത്. അപ്പോഴേക്കും അവരുടെ വീടിന് ചുറ്റും ആള് കൂടിയിരുന്നു. അവിടുണ്ടായ ഓരാളോട് കുഞ്ഞിനെ എടുത്ത് തരുമോ, എൻ്റെ വീട്ടിലേക്ക് കൊണ്ടുപോകാമെന്ന് ഞാൻ പറഞ്ഞു. അപ്പോ അയാൾ പറഞ്ഞു, മോളെ ആ​ഗ്രഹമില്ലാഞ്ഞിട്ടല്ല, അവനിങ്ങനെ ആയുധം കൊണ്ട് നിൽക്കുകയാ, കുഞ്ഞിൻ്റെ കരച്ചിൽ പോലും കേൾക്കുന്നില്ലെന്ന്. കുഞ്ഞ് എവിടുന്നേലും ഒച്ചവെച്ചാൽ അവിടെ നിന്ന് ഞാൻ എടുത്തുകൊണ്ട് തരാമെന്നും അയാൾ പറഞ്ഞു.തൊട്ടടുത്ത് മഹേഷിന്റെ സഹോദരിയുടെ വീട്ടിൽ താമസിക്കുന്ന അമ്മ സുനന്ദ ഇവരുടെ വീട്ടിൽനിന്ന് കുഞ്ഞിൻ്റെ കരച്ചിൽ കേട്ടാണ് ഇങ്ങോട്ട് വന്നത്. പിന്നെ അമ്മയെ വെട്ടിയ നിലയിലാണ് കാണുന്നത്. അമ്മ ഇപ്പോൾ എന്നോട് ചോദിച്ചത്. എന്നെ എടുക്കാൻ വന്നപ്പോൾ എന്താണ് എൻ്റെ കുഞ്ഞിനെ നോക്കാഞ്ഞതെന്നാണ്. സത്യം പറഞ്ഞാൽ കുഞ്ഞ് സേഫാണെന്ന് വിചാരിച്ചു. ഞങ്ങൾ അറിഞ്ഞില്ല, കുഞ്ഞ് ഇവിടെ സേഫായിരിക്കുമെന്ന് കരുതി. ഇവന് ഈ പറയുന്ന മാനസിക വിഭ്രാന്തി ഒന്നുമില്ല. ഇന്നലെ രാവിലെ നല്ല രീതിയിൽ സംസാരിക്കുന്നത് നമ്മളെല്ലാവരും കണ്ടതാണ്. അപ്പോൾ ഒന്നും ഇല്ലാത്ത മാനസിക വിഭ്രാന്തി ഇപ്പോൾ എങ്ങനെ വന്നുവെന്ന് ഞങ്ങൾക്കറിയണം.

@All rights reserved Typical Malayali.