നെറുകയില്‍ സിന്ദൂരം ചാര്‍ത്തി അവസാന ചുംബനം നടി ഐന്ദ്രിലയുടെ മൃതദേഹത്തിനരികെ നെഞ്ചുപൊട്ടിക്കരഞ്ഞ് പ്രിയപ്പെട്ടവന്‍

പ്രാർത്ഥനകൾ വിഫലം 24 ആം വയസ്സിൽ ഐന്ദ്രില മരണത്തിനു കീഴടങ്ങി വെന്റിലേറ്ററിന്റെ സഹായത്തോടെയാണ് ഇതുവരെ അവർ ജീവിച്ചത്. ഈ മാസം ഒന്നാം തീയതിയാണ് ഐന്ദ്രിലയെ ആശുപത്രിയിൽ പ്രവേശിപ്പിച്ചത്.പക്ഷാഘാതത്തേ തുടർന്ന് കൊൽക്കത്തയിലെ ആശുപത്രിയിൽ പ്രവേശിപ്പിച്ച ബംഗാളി നടി ഐന്ദ്രില ശർമ അന്തരിച്ചു. ഞായറാഴ്ച ഉച്ചയ്ക്ക് 12.59ന് ആണ് നടി വിടവാങ്ങിയതെന്ന് റിപ്പോർട്ടുകൾ സൂചിപ്പിക്കുന്നു.24 കാരിയായ നടിക്ക് ഇന്ന് രാവിലെ ഒന്നിലധികം തവണ ഹൃദയസ്തംഭനം ഉണ്ടായെന്നും സിപിആർ നൽകി എങ്കിലും ജീവൻ രക്ഷിക്കാൻ ആയില്ലെന്നും റിപ്പോർട്ടുണ്ട് .ഹൗറയിലെ ഒരു സ്വകാര്യ ആശുപത്രിയിൽ നടി വെന്റിലേറ്ററിൽ ആയിരുന്നു. എന്നാൽ ഞായറാഴ്ച നടിയുടെ നില അതീവഗുരുതരമാവുക ആയിരുന്നു. അർബുദത്തെ രണ്ടുതവണയാണ് ആത്മ ധൈര്യം കൊണ്ട് നടി കീഴ്പെടുത്തിയത്. അടുത്തിടെ നടി ക്യാൻസർ വിമുക്ത ആവുകയും ചെയ്തിരുന്നു. എന്നാൽ പക്ഷാഘാതത്തെ തുടർന്ന് നവംബർ ഒന്നിനാണ് നടിയെ വീണ്ടും ആശുപത്രിയിൽ പ്രവേശിപ്പിച്ചത്. ഐന്ദ്രിലയെ ഉടൻ തന്നെ OT യിലേക്ക് മാറ്റുകയും അക്യൂട്ട് സബ്‌ഡ്യൂറൽ ബ്ലീഡ് റിമൂവലിനൊപ്പം ലെഫ്റ്റ് ഫ്രോണ്ടൊടെമ്പോപാരിയറ്റൽ ഡികംപ്രസീവ് ക്രാനിയോടോമിക്ക് വിധേയയാക്കുകയും ചെയ്തിരുന്നു.

ബംഗാളി പ്രേക്ഷകർക്ക് പരിചിതമായ മുഖമാണ് ഐന്ദ്രില. ജുമുർ എന്ന ടിവി ഷോയിലൂടെ ഷോബിസിലേക്ക് ചുവടുവെച്ച ശേഷം, ജിയോൻ കത്തി ജിബോൺ ജ്യോതി തുടങ്ങി നിരവധി ജനപ്രിയ സീരിയലുകളിലും തിളങ്ങിയിട്ടുണ്ട്. ഡിജിറ്റൽ മീഡിയത്തിലേക്കും ചുവടുവെച്ച അവർ അടുത്തിടെ ‘ഭാഗർ’ എന്ന വെബ് സീരീസ് ചെയ്തു, പിന്നീടാണ് അസുഖ ബാധിത ആകുന്നത്. ഐന്ദ്രില ശർമ്മയുടെ മടങ്ങിവരവിനായി ആരാധകർ പ്രാർത്ഥനയിൽ ആയിരുന്നു. എന്നാൽ നടിയുടെ മരണവാർത്ത അറിഞ്ഞ ഞെട്ടലിൽ ആണ് ആരാധകർ.