ഞാന്‍ ഇപ്പോഴും വിവാഹിതനാണ്! മോതിരം ഉയര്‍ത്തിക്കാട്ടി അഭിഷേക് ബച്ചന്‍! വിവാഹമോചനത്തെക്കുറിച്ച് ഇതിലും മികച്ച പ്രതികരണം വരാനില്ല
സ്‌ക്രീനിലെ പ്രണയം ജീവിതത്തിലേക്കും പകര്‍ത്തിയവരാണ് ഐശ്വര്യ റായിയും അഭിഷേക് ബച്ചനും. സന്തുഷ്ടകരമായ കുടുംബ ജീവിതമാണ് ഇവരുടേത്. എന്നാല്‍ പാപ്പരാസികള്‍ ഇവരെ വെറുതെ വിടാറില്ല ഒരുകാലത്തും. ഏത് പരിപാടിക്കെത്തിയാലും വിവാദങ്ങള്‍ തലപൊക്കാറുണ്ട്. ആഷും അഭിയും വേര്‍പിരിയലിന്റെ വക്കിലാണെന്ന തരത്തിലുള്ള റിപ്പോര്‍ട്ടുകളായിരുന്നു അടുത്തിടെ പ്രചരിച്ചത്.
ആനന്ദ് അംബാനിയുടെയും രാധിക മര്‍ച്ചന്റിന്റെയും വിവാഹത്തിനിടയിലെ കാര്യങ്ങള്‍ പറഞ്ഞായിരുന്നു ചര്‍ച്ച തുടങ്ങിയത്. അഭിഷേക് ബച്ചന്‍ ചിത്രങ്ങള്‍ക്ക് പോസ് ചെയ്തപ്പോള്‍ ഐശ്വര്യയും ആരാധ്യയുമില്ലായിരുന്നു. മാതാപിതാക്കള്‍ക്കും സഹോദരിക്കും കുടുംബത്തിനുമൊപ്പമുള്ള അഭിഷേകിന്റെ ചിത്രം വൈറലായതോടെയായിരുന്നു വിവാഹമോചന വാര്‍ത്ത പ്രചരിച്ചത്.
വര്‍ധിച്ച് വരുന്ന വിവാഹമോചനത്തെക്കുറിച്ച് വന്ന വാര്‍ത്ത അഭിഷേക് ലൈക്ക് ചെയ്തതും ചര്‍ച്ചയായിരുന്നു. അഭിഷേക് ലൈക്ക് ചെയ്തതിന്റെ സ്‌ക്രീന്‍ ഷോട്ടും പ്രചരിച്ചിരുന്നു. വിവാഹമോചന വാര്‍ത്തകള്‍ പ്രചരിച്ചപ്പോഴും ഐശ്വര്യ മൗനം പാലിക്കുകയായിരുന്നു. ഇപ്പോഴിതാ അഭിഷേക് ബച്ചന്റെ പ്രതികരണം ശ്രദ്ധേയമായി മാറിയിരിക്കുകയാണ്. ബോളിവുഡ് യുകെ മീഡിയ ഷെയര്‍ ചെയ്ത വീഡിയോയിലൂടെയാണ് അദ്ദേഹത്തിന്റെ പ്രതികരണം.
വിവാഹമോചന വാര്‍ത്തകളെക്കുറിച്ചായിരുന്നു മാധ്യമപ്രവര്‍ത്തക ചോദിച്ചത്. അതേക്കുറിച്ച് ഒന്നും പറയാനില്ല എനിക്ക്. എന്തിനാണ് കാര്യങ്ങള്‍ ഇങ്ങനെ ഊതിപ്പെരുപ്പിക്കുന്നത്. സങ്കടകരമായൊരു അവസ്ഥയാണ്. എന്തുകൊണ്ടാണ് നിങ്ങള്‍ ഇങ്ങനെ ചെയ്യുന്നതെന്ന് എനിക്ക് മനസിലാവും, നിങ്ങള്‍ക്ക് വാര്‍ത്തകളാണ് വേണ്ടത്. സെലിബ്രിറ്റികളാണ് ഞങ്ങള്‍, അപ്പോള്‍ ഇതുപോലെയൊക്കെ കേള്‍ക്കേണ്ടി വരും. ഞാന്‍ ഇപ്പോഴും വിവാഹിതനാണ്, സോറി എന്നായിരുന്നു അഭിഷേക് പ്രതികരിച്ചത്.
ക്ഷണനേരം കൊണ്ടായിരുന്നു ഈ വീഡിയോ വൈറലായത്. നിരവധി പേരാണ് അദ്ദേഹത്തെ അഭിനന്ദിച്ച് എത്തിയത്. ഇത്തരത്തിലുള്ള പ്രതികരണം ആവശ്യമാണ്. സ്വകാര്യ ജീവിതത്തെക്കുറിച്ചുള്ള അനാവശ്യ ചര്‍ച്ചകളില്‍ പ്രതികരണം വേണം. അങ്ങനെ പോവുന്നു കമന്റുകള്‍.
ഐശ്വര്യയുടെ സൗഹൃദമാണ് വേര്‍പിരിയലിന് പിന്നിലെന്ന് വരെ പ്രചരിച്ചിരുന്നു. ആഷിന്റെ ഡോക്ടര്‍ സുഹൃത്തിനോട് അഭിഷേകിന് താല്‍പര്യമില്ല. 20 വര്‍ഷമായി ഐശ്വര്യയും ഡോക്ടറും സുഹൃത്തുക്കളാണ്. ഇടയ്ക്ക് ചില ചടങ്ങുകളില്‍ ഇരുവരും ഒന്നിച്ച് പങ്കെടുത്തിരുന്നു. അതിന്റെ ചിത്രങ്ങള്‍ വൈറലായിരുന്നു. എന്നാല്‍ ഇതൊക്കെ വെറും കെട്ടുകഥകളാണെന്ന് ഇപ്പോള്‍ വ്യക്തമായിരിക്കുകയാണ്. 2007 ഏപ്രില്‍ മാസത്തിലായിരുന്നു അഭിഷേകും ഐശ്വര്യയും വിവാഹിതരായത്. ഇടയ്ക്ക് സിനിമയില്‍ നിന്നും ബ്രേക്കെടുത്തെങ്കിലും തിരിച്ചെത്തിയിരുന്നു ഐശ്വര്യ. 2011 ലായിരുന്നു ഇവര്‍ക്ക് മകള്‍ ജനിച്ചത്. ആരാധ്യയുടെ വിശേഷങ്ങളും വൈറലായി മാറാറുണ്ട്.
@All rights reserved Typical Malayali.
Leave a Comment