ബാല ആശുപത്രിയില്‍ കഴിയുമ്പോള്‍ ഇത് വേണമായിരുന്നോ എന്ന് ചോദ്യങ്ങള്‍. അത് അവരുടെ ജീവിതമല്ലേയെന്ന് ആരാധകര്‍

ബാല ആശുപത്രിയില്‍ കഴിയുമ്പോള്‍ ഇത് വേണമായിരുന്നോ എന്ന് ചോദ്യങ്ങള്‍! അത് അവരുടെ ജീവിതമല്ലേയെന്ന് ആരാധകര്‍.അഭയ ഹിരണ്‍മയിയുമായി പിരിഞ്ഞതിന് ശേഷമായാണ് ഗോപി സുന്ദറും അമൃതയും ഒന്നിച്ചത്. ചേര്‍ന്നുനിന്നുള്ള ഫോട്ടോ പങ്കുവെച്ചായിരുന്നു ഇരുവരും പ്രണയം പറഞ്ഞത്. ഇപ്പോഴത്തെ ജീവിതത്തില്‍ ഞങ്ങള്‍ ഹാപ്പിയാണെന്നും ഇരുവരും വ്യക്തമാക്കിയിരുന്നു. സംസാരിക്കുന്ന ടോണില്‍ തന്നെ അമൃതയെക്കൊണ്ട് പാടിപ്പിക്കുകയും ചെയ്തിരുന്നു ഗോപി. കരിയറിലെയും ജീവിതത്തിലെയും വിശേഷങ്ങളെല്ലാം ഇരുവരും സോഷ്യല്‍മീഡിയയിലൂടെ പങ്കിടാറുണ്ട്. ഇപ്പോഴിതാ അമൃതയ്‌ക്കൊപ്പമുള്ള പുത്തന്‍ചിത്രങ്ങള്‍ പങ്കിട്ടെത്തിയിരിക്കുകയാണ് ഗോപി സുന്ദര്‍.ഹാപ്പി ബേര്‍ഡ്‌സ് എന്ന ക്യാപ്ഷനോടെയായാണ് ഗോപി സുന്ദര്‍ അമൃത സുരേഷിനൊപ്പമുള്ള ചിത്രങ്ങള്‍ പോസ്റ്റ് ചെയ്തത്. അതീവ സന്തോഷത്തോടെയായാണ് ഇരുവരും ഫോട്ടോയ്ക്ക് പോസ് ചെയ്തത്. അമൃതയെ മെന്‍ഷന്‍ ചെയ്തായിരുന്നു ചിത്രങ്ങള്‍ പങ്കിട്ടത്. നിമിഷനേരം കൊണ്ടായിരുന്നു ചിത്രങ്ങള്‍ വൈറലായി മാറിയത്.നിരവധി പേരായിരുന്നു ഗോപി സുന്ദറിന്റെ ചിത്രത്തിന് താഴെയായി കമന്റുകളുമായെത്തിയത്. ഇത് ഇപ്പോള്‍ വേണമായിരുന്നോ, ബാല ആശുപത്രിയില്‍ കഴിയുമ്പോഴാണോ ഷോ തുടങ്ങിയ കമന്റുകളും ഫോട്ടോയുടെ താഴെയുണ്ട്. കരള്‍ രോഗത്തെ തുടര്‍ന്ന് ആശുപത്രിയില്‍ കഴിഞ്ഞ് വരികയാണ് ബാല. മകളെ കാണണമെന്ന് ആവശ്യപ്പെട്ടപ്പോള്‍ കുടുംബസമേതമായി അമൃത ആശുപത്രിയിലേക്കെത്തിയിരുന്നു.

വിമര്‍ശനങ്ങള്‍ തുടരുന്നതിനിടെ അമൃതയേയും ഗോപി സുന്ദറിനെയും പിന്തുണച്ചുള്ള കമന്റുകളുമുണ്ട്. അത് അവരുടെ ജീവിതമല്ലേ, അത് എങ്ങനെ വേണമെന്ന് തീരുമാനിക്കുന്നത് അവരല്ലേ, ബാലയെക്കുറിച്ച് പറഞ്ഞ് ഇനിയുമെന്തിനാണ് അവരെ വിമര്‍ശിക്കുന്നതെന്നായിരുന്നു ആരാധകരുടെ ചോദ്യങ്ങള്‍.അടുത്തിടെയായിരുന്നു ബാല ആശുപത്രിയില്‍ അഡ്മിറ്റായത്. ബാലയ്ക്ക് വയ്യെന്നും അദ്ദേഹത്തിന് വേണ്ടി പ്രാര്‍ത്ഥിക്കണമെന്നും ആവശ്യപ്പെട്ട് സുഹൃത്തുക്കള്‍ എത്തിയിരുന്നു. ബാലയെ സന്ദര്‍ശിച്ചപ്പോള്‍ മകളെ കാണണമെന്ന് ആവശ്യപ്പെട്ടിരുന്നുവെന്നും, അതിനുള്ള സൗകര്യങ്ങള്‍ ചെയ്തിട്ടുണ്ടെന്നും അവര്‍ വ്യക്തമാക്കിയിരുന്നു. അമൃതയും അഭിരാമിയും അച്ഛനും അമ്മയും ഗോപി സുന്ദറുമെല്ലാം ബാലയെ സന്ദര്‍ശിച്ചിരുന്നു. മകളും ഇവരോടൊപ്പമെത്തിയിരുന്നു.നേരത്തെയും ബാല ആശുപത്രിയിലായിട്ടുണ്ട്. കുഴപ്പങ്ങളൊന്നുമില്ലാതെ തിരികെ വന്നിട്ടുണ്ട്.

@All rights reserved Typical Malayali.