ഒരു വര്‍ഷം മുഴുവന്‍ ഞാന്‍ കാത്തിരുന്നു, അവസാനം അവളെന്റെ പ്രണയം സ്വീകരിച്ചു; സന്തോഷം പങ്കുവച്ച് അശ്വിന്‍, ദിയ ഭാഗ്യവതിയാണെന്ന് കമന്റുകള്‍
മണിക്കൂറുകള്‍ക്ക് മുന്‍പാണ് താന്‍ പ്രപ്പോസല്‍ സ്വീകരിച്ചു, യെസ് പറഞ്ഞു എന്ന് പറഞ്ഞ് ദിയ കൃഷ്ണ സോഷ്യല്‍ മീഡിയയില്‍ എത്തിയത്. റിങ് എക്‌സേഞ്ച് ചെയ്തു എന്ന സൂചന നല്‍കുന്ന ചിത്രത്തിനൊപ്പമായിരുന്നു പോസ്റ്റ്. എന്നാല്‍ ആള് ആരാണെന്നോ, ആരാണ് പ്രപ്പോസ് ചെയ്തത് എന്നോ ദിയ പറഞ്ഞിരുന്നില്ല. എന്നാല്‍ കമന്റില്‍ മുഴുവന്‍ മുഴങ്ങി കേട്ടത് ഒരേ ഒരു പേര് മാത്രമായിരുന്നു. ഫോളോവേഴ്‌സിന്റെ ഊഹം തെറ്റിയില്ല, ആ ആള് അശ്വിന്‍ ഗണേഷ് തന്നെ.
ദിയയുടെ പോസ്റ്റിന് പിന്നാലെ മറ്റൊരു ഇന്‍സ്റ്റഗ്രാം പോസ്റ്റുമായി എത്തിയിരിയ്ക്കുകയാണ് അശ്വിന്‍ ഗണേഷ്. ‘ഈ ഒരു അവസരത്തിന് വേണ്ടി ഒരു വര്‍ഷം മുഴുവന്‍ ഞാന്‍ കാത്തിരുന്നു. എന്റെ പ്രണയം സ്വീകരിച്ചതിന് നന്ദി’ എന്ന് പറഞ്ഞുകൊണ്ടാണ് അശ്വിന്റെ പോസ്റ്റ്. ക്യൂട്ടായ ഒരു ചിത്രവും അശ്വിന്‍ പങ്കുവച്ചിട്ടുണ്ട്. ദിയ കണ്ണു കെട്ടി നില്‍ക്കുന്നതും, മോതിരവുമായി അശ്വിന്‍ ചെറിയ നാണത്തോടെ നില്‍ക്കുന്നതുമാണ് ചിത്രത്തിലെ കാഴ്ച.
ഫോട്ടോയും പോസ്റ്റും ആരാധകര്‍ ഏറ്റെടുത്തിട്ടുണ്ട്. അശ്വിനെ പോലൊരു പയ്യനെ കിട്ടിയ ദിയ ഭാഗ്യവതിയാണ് എന്നൊക്കെയാണ് കമന്റുകള്‍. ദിയയുടെ പോസ്റ്റിന് നേരത്തെ തന്നെ ആ വ്യക്തി അശ്വിന്‍ തന്നെയായിരിക്കും എന്നും, നിങ്ങള്‍ മികച്ച പെയര്‍ ആണെന്നും ഒക്കെയുള്ള കമന്റുകള്‍ വന്നിരുന്നു.
സിനിമകളില്‍ ഒന്നും ഇതുവരെ അഭിനയിച്ചിട്ടില്ല എങ്കിലും ആളുകള്‍ക്ക് ഏറെ സുപരിചിതയാണ് കൃഷ്ണ കുമാറിന്റെ രണ്ടാമത്തെ മകള്‍ ദിയ കൃഷ്ണ. യൂട്യൂബിലും ഇന്‍സ്റ്റഗ്രാമിലും സജീവമായ താരം പങ്കുവയ്ക്കുന്ന റീല്‍സ് വീഡിയോസ് എല്ലാം വളരെ പെട്ടന്ന് ശ്രദ്ധ നേടാറുണ്ട്. അശ്വിന്‍ ഗണേഷുമൊത്തുള്ള റീല്‍സ് വീഡിയോസ് എല്ലാം വൈറലായിരുന്നു. ഇരുവരുടെയും ജോഡി പൊരുത്തം ഇഷ്ടപ്പെട്ടിരുന്ന ആരാധകര്‍ക്കുള്ള ഒരു സന്തോഷ വാര്‍ത്തയാണ് ഈ പ്രപ്പോസല്‍.
@All rights reserved Typical Malayali.
Leave a Comment