സുധി പോയശേഷം ഇതാദ്യം.. അപ്പച്ചന്റെ തോളിലേറി ഋതപ്പന്‍ സ്‌കൂളിലേക്ക്..

റിലീസ് ദിവസം ഒന്നിച്ച് സിനിമ കാണാമെന്ന് പറഞ്ഞതല്ലേ! ദൈവം അനുവദിച്ചില്ലല്ലോ സുധിച്ചേട്ടാ! സങ്കടപ്പെട്ട് രേണു സുധി.പ്രണയവിവാഹത്തിലൂടെയാണ് രേണു സുധിയുടെ ജീവിതത്തിലേക്ക് എത്തുന്നത്. തന്റെയും മക്കളുടെയും കാര്യങ്ങളെല്ലാം കൃത്യമായി നോക്കുമായിരുന്നു അദ്ദേഹം. ഞങ്ങളുടെ സന്തോഷം കാണാനായിരുന്നു അദ്ദേഹത്തിനിഷ്ടം. നിങ്ങള്‍ക്കായി ഞാനൊരു വീടുണ്ടാക്കുമെന്ന് എപ്പോഴും പറയുമായിരുന്നു.
renu sudhi about kollam sudhi s last movie release.കൊല്ലം സുധിയുടെ അപ്രതീക്ഷിത വിയോഗം എല്ലാവരെയും ഞെട്ടിച്ചിരുന്നു. വടകരയിലെ പരിപാടി കഴിഞ്ഞ് കോട്ടയത്തേക്ക് തിരിച്ചുവരുന്നതിനിടയിലായിരുന്നു അപകടം. അന്ന് സുധി മുന്‍സീറ്റില്‍ തന്നെ ഇരിക്കുകയായിരുന്നു. ഭക്ഷണം കഴിക്കാനിറങ്ങിയതിന് ശേഷവും ഓടിപ്പോയി മുന്‍സീറ്റിലാണ് ഇരുന്നതെന്ന് ബിനു അടിമാലി പറഞ്ഞിരുന്നു. സുധി കൂടെയില്ലെന്ന് ഇപ്പോഴും വിശ്വസിക്കാനാവുന്നില്ലെന്നായിരുന്നു സഹപ്രവര്‍ത്തകരെല്ലാം പറഞ്ഞത്. അച്ഛന്‍ ഷൂട്ടിന് പോയിരിക്കുകയാണെന്നാണ് ഇളയ മകനായ റിതുല്‍ പറയുന്നത്. അച്ഛനെ പറ്റിക്കാനായി അവനിപ്പോഴും വാതിലിനിടയില്‍ ഒളിച്ചിരിക്കാറുണ്ടെന്ന് സുധിയുടെ ഭാര്യ രേണു പറഞ്ഞിരുന്നു.രാവിലെ എത്തുമെന്ന് പറഞ്ഞായിരുന്നു സുധിച്ചേട്ടന്‍ ഫോണ്‍ വെച്ചത്. അദ്ദേഹം കൂടെയില്ലെന്ന യാഥാര്‍ത്ഥ്യം ഉള്‍ക്കൊള്ളാനാവുന്നില്ല. അദ്ദേഹത്തിനൊപ്പമുള്ള സന്തോഷനിമിഷങ്ങളെല്ലാം രേണു ഇന്‍സ്റ്റഗ്രാമിലൂടെ പങ്കിടുന്നുണ്ടായിരുന്നു. ഇപ്പോഴിതാ സുധി അഭിനയിച്ച സിനിമയായ കുരുവി പാപ്പ തിയേറ്ററുകളിലേക്കെത്താന്‍ പോവുകയാണ്. മുക്തയുടെയും വിനീതിന്റെയും ക്യാരക്ടര്‍ പോസ്റ്റര്‍ വൈറലായിരുന്നു. സിനിമ റിലീസ് ചെയ്യുമ്പോള്‍ ആദ്യ ദിവസം തന്നെ ഒരുമിച്ച് പോയി കാണാമെന്ന് പറഞ്ഞതല്ലേ ഏട്ടന്‍, ദൈവം അനുവദിച്ചില്ലല്ലോ അതിനെന്നായിരുന്നു രേണു കുറിച്ചത്.

ടെലിവിഷന്‍ പരിപാടികള്‍ മാത്രമല്ല സിനിമകളില്‍ നിന്നുള്ള അവസരങ്ങളും സുധിയെ തേടിയെത്തുന്നുണ്ടായിരുന്നു. അപ്രതീക്ഷിതമായി വന്ന കടബാധ്യതയൊക്കെ തീര്‍ത്ത് സ്വന്തമായി ഒരു വീടെന്ന സ്വപ്‌നവുമായി നീങ്ങുകയായിരുന്നു അദ്ദേഹം. വാടകവീട്ടില്‍ നിന്നും നമുക്ക് സ്വന്തം വീട്ടിലേക്ക് മാറണം, അതിനുള്ള പ്രയ്തനമാണ് ഇനിയെന്ന് സുധി സുഹൃത്തുക്കളോട് പറഞ്ഞിരുന്നു. ആ സ്വപ്‌നം സഫലമാക്കാതെയായിരുന്നു അദ്ദേഹത്തിന്റെ വിയോഗം. ഫളവേഴ്‌സ് ചാനലും സുഹൃത്തുക്കളുമെല്ലാം സുധിയുടെ സ്വപ്‌നം സഫലമാക്കുന്നതിനായി മുന്നിട്ടിറങ്ങിയിരുന്നു. സുധിയുടെ കുടുംബത്തെ എന്നും ചേര്‍ത്തുപിടിക്കുമെന്ന് പ്രിയപ്പെട്ടവരെല്ലാം ഉറപ്പ് നല്‍കിയിരുന്നു. അടുത്തിടെയായിരുന്നു വീടിന്റെ തറക്കല്ലിടല്‍ നടത്തിയത്. പ്രതിസന്ധികളിലൂടെയാണ് താനിപ്പോള്‍ കടന്നുപോവുന്നതെന്ന് വ്യക്തമാക്കി രേണു എത്തിയിരുന്നു. എങ്ങനെയെങ്കിലുമൊരു ജോലി കണ്ടെത്താനുള്ള ശ്രമത്തിലാണെന്നും അവര്‍ പറഞ്ഞിരുന്നു.

@All rights reserved Typical Malayali.