ഒരു വിവാഹമേ കഴിച്ചിട്ടൊള്ളൂ! 22 ആം വയസ്സിൽ ആയിരുന്നു വിവാഹം; ഇത്തിരി ലേറ്റായി പോയെന്നായിരുന്നു അന്ന്; ലക്ഷ്മി നായർ

ഒരു വിവാഹമേ കഴിച്ചിട്ടൊള്ളൂ! 22 ആം വയസ്സിൽ ആയിരുന്നു വിവാഹം; ഇത്തിരി ലേറ്റായി പോയെന്നായിരുന്നു അന്ന്; ലക്ഷ്മി നായർ.പൊതുവെ പ്രൈവസി ഇഷ്ടപ്പെടുന്നയാളാണ് അദ്ദേഹം. അതാണ് വീഡിയോകളിലേക്കൊന്നും വരാത്തത്- എന്നൊരിക്കൽ ലക്ഷ്മി തുറന്നു പറഞ്ഞിട്ടുണ്ട്.പ്രേക്ഷകർക്ക് ഏറെ പരിചിതയാണ് ലക്ഷ്മി നായർ. അവതാരക ആയി വര്ഷങ്ങളായി മിനി സ്‌ക്രീനിൽ നിറഞ്ഞു നിന്ന ലക്ഷ്മി ഫ്ലേവേഴ്സ് ഓഫ് ഇന്ത്യയുടെ മുഖം തന്നെ ആയിരുന്നു. ദൂരദര്‍ശനില്‍ ഒരുവര്‍ഷത്തോളം വാര്‍ത്ത അവതാരകയായി നിറഞ്ഞു നിന്ന ലക്ഷ്മി വിവാഹത്തോടെയായാണ് ബ്രേക്കെടുത്തത്. 22ാമത്തെ വയസിലായിരുന്നു വിവാഹം. വിവാഹശേഷവും പഠനം തുടർന്നു, പലരും പ്രണയവിവാഹമാണെന്ന് കരുതുന്നുണ്ടെങ്കിലും ഞങ്ങളുടേത് പക്കാ അറേഞ്ച്ഡ് വിവാഹമാണെന്ന് പറയുകയാണ് ലക്ഷ്മി.22 ആം വയസ്സിൽ ഒരു വിവാഹം എന്ന് അവതാരക പറയുമ്പോൾ ഒരു വിവാഹമേ ഞാൻ കഴിച്ചിട്ടൊള്ളൂ എന്ന മറുപടിയിലൂടെയാണ് ലക്ഷ്മി നായർ സംസാരിച്ചുതുടങ്ങുന്നത്. 22 ആം വയസ്സിൽ ആയിരുന്നു വിവാഹം. ഇന്നത്തെ കാലത്ത് 22 വയസ്സ് കുറച്ചു നേരത്തെ എന്ന് തോന്നും. പക്ഷ അന്നത്തെ ഒരു കാലത്ത് 20 വയസ്സുമുതൽ വിവാഹം ചെയ്തുകൊടുക്കും. എനിക്ക് വിവാഹം ഒരിക്കലും നേരത്തെ ആയെന്നു തോന്നിയിട്ടില്ല. അന്നത്തെ ഒരു സമയത്ത് എനിക്ക് വിവാഹം ലേറ്റ് ആയി പോയെന്ന തോന്നൽ ആയിരുന്നു.ഇന്നത്തെ കാലത്ത് 22 വയസ്സ് എന്നൊക്കെ പറയുമ്പോൾ എന്ത് ചെറുപ്പം ആയിരുന്നു എന്ന് ഓർക്കാറുണ്ട്. ലവ് മാര്യേജ് ഒന്നും ആയിരുന്നില്ല. കണ്ടിട്ടുണ്ടായിരിക്കാം, പക്ഷെ ഒരിക്കലും അങ്ങനെ ഒരു പരിചയം ഒന്നും ഉണ്ടായിരുന്നില്ല. ഞാൻ ലോ അക്കാദമിയിൽ ചെയുന്ന സമയത്താണ് പുള്ളി കോളേജിൽ നിന്നും ഇറങ്ങുന്നത്. എന്നാൽ അവിടെ ആവശ്യങ്ങൾക്ക് ഒക്കെയും വരാറുണ്ട്. പിന്നെ എന്റെ അച്ഛൻ അവിടെ പ്രിൻസിപ്പൽ ആയിരുന്നതുകൊണ്ടുതന്നെ മക്കളെയും അവിടെ ഉള്ള ഫങ്ക്ഷന് കൊണ്ട് പോകുമായിരുന്നു. അന്ന് എന്റെ ഹസ്ബെന്റിനെ അറിയപ്പെടുന്നത് സിനിമ നടൻ എന്നായിരുന്നു. പുള്ളി അന്ന് ഒരു സിനിമയിൽ അഭിനയിച്ചിട്ടുണ്ട്.

വിവാഹം കഴിഞ്ഞപ്പോൾ മുതൽ അദ്ദേഹം ഒപ്പം തന്നെ ഉണ്ടായിരുന്നു. എനിക്ക് ആദ്യമേ തന്നെ സ്വാതന്ത്ര്യം തന്നിരുന്നു. ഒറ്റ കാര്യമേ ഉണ്ടായിരുന്നുള്ളൂ എന്നെ മിനക്കെടുത്തരുത് എന്ന്. അതാണ് ദൂരദർശനിൽ വാർത്താവായന വിവാഹം കഴിഞ്ഞിട്ട് ഒരു വര്ഷം കഴിഞ്ഞപ്പോഴേ നിർത്താൻ കാരണം. എനിക്ക് കൊണ്ടുപോകാനും വിളിച്ചു കൊണ്ട് വരലും നടക്കില്ല എന്ന് പുള്ളി പറഞ്ഞു. ലക്ഷ്മിക്ക് ഒറ്റക്ക് പോകാൻ ആകും എങ്കിൽ പൊയ്ക്കൊള്ളൂ എന്നാണ് പറഞ്ഞത്. ഡ്രൈവിംഗ് അറിയാമായിരുന്നു എങ്കിലും ഓടിക്കില്ലായിരുന്നു. പക്ഷെ എല്ലാം ചെയ്തു പഠിക്കാൻ എന്നെ പ്രേരിപ്പിച്ചത് അദ്ദേഹമാണ്.ഫ്ലേവേഴ്സ് ഓഫ് ഇന്ത്യയിൽ കിട്ടിയത് ബെസ്റ്റ് എക്സ്പീരിയൻസ് ആയിരുന്നു. അവിടെ എന്റെ സ്വതസിദ്ധമായ രീതിയിൽ ഉള്ള അവതരണം ആയിരുന്നു. സീരിയസ്‌ലി പറഞ്ഞാൽ അവിടെ ക്യാമറ ഉണ്ടായിരുന്നു എന്ന് ഞാൻ ചിന്തിച്ചതേ ഇല്ല. എല്ലാത്തിലും ഭംഗി കാണുന്ന ആളാണ് ഞാൻ, അതുകൊണ്ടുതന്നെ ആ യാത്രകൾ അതി സുന്ദരം ആയിരുന്നു. എന്നോട് ഒപ്പം മൂന്നാല് പേര് ഉണ്ടായിരുന്നു. ജോലി ആയിട്ടല്ല ഒരു ടൂർ ആയിട്ടാണ് തോന്നിയത്. 10, 12 വര്ഷം ആ യാത്ര ആസ്വദിച്ചു. ഫ്രീ യാത്രയും, പൈസയും – ഒക്കെയും അടിപൊളിയായിരുന്നു എന്നും ലക്ഷ്മി നായർ പറഞ്ഞു.ഫുഡ് എന്ന് പറയുന്നത് പലതരം വെറൈറ്റികൾ ചേർന്നതാണ്. ഇങ്ങനെ പലവിധ വെറൈറ്റികൾ വന്നു കൊണ്ടേ ഇരിക്കുക അല്ലെ. അത് ഒരിക്കലും തീരില്ല. ഞാൻ സമുദ്രത്തിന്റെ ഒരറ്റത്തുള്ള ഒരു ഡ്രോപ്പ് മാത്രമാണ്. നമ്മൾ എന്തൊരം കാണാൻ കിടക്കുന്നു. ഇന്ന് പിന്നെ റിസേർച് ചെയ്യാൻ സൗകര്യങ്ങൾ ഏറെയാണ്. അന്നത്തെ കാലത്ത് പിന്നെ അത്ര വലിയ രീതിയിൽ റിസേർച് ചെയ്യാൻ ആകില്ലല്ലോ- ലക്ഷ്മി സീ കേരളത്തോട് പറഞ്ഞു.

@All rights reserved Typical Malayali.