കോളേജിലെ ഉറ്റ കൂട്ടുകാര്‍.. പഠിക്കാന്‍ മിടുമിടുക്കര്‍..!! ഒടുക്കം മരണത്തിലും വേര്‍പിരിയാതെ ഒരുമിച്ചങ്ങ് പോയി..!! അങ്ങാടിക്കടവിനെ നടുക്കി മരണ വാര്‍ത്ത

മലയാറ്റൂർ സന്ദർശനം കഴിഞ്ഞ് മടക്കം, കാർ മറിഞ്ഞത് പത്തടിയോളം താഴ്ചയിലേക്ക്; മരിച്ച മൂന്നുപേരും വിദ്യാര്‍ഥികള്‍.വയനാട്ടിൽ കാർ അപകടത്തിൽ മരിച്ച മൂന്നുപേരും വിദ്യാർഥികൾ. കണ്ണൂർ ഇരിട്ടി സ്വദേശികളായ അഡോൺ ബെസ്റ്റി, ജിസ്‌ന മേരി ജോസഫ്, കാസർകോട് വെള്ളരിക്കുണ്ട് സ്വദേശി സ്‌നേഹ ജോസഫ് എന്നിവരാണ് മരിച്ചത്. വയനാട്ടിൽ വാഹനാപകടത്തിൽ മരിച്ച മൂന്നുപേരും വിദ്യാർഥികൾ.
നിയന്ത്രണം വിട്ട് കാർ താഴ്ചയിലേക്ക് മറിഞ്ഞാണ് അപകടം.ഞായറാഴ്ച വൈകിട്ട് ആറോടെയാണ് സംഭവം.
കൽപ്പറ്റ: വയനാട്ടിൽ കാർ നിയന്ത്രണംവിട്ടു മറിഞ്ഞ് മരിച്ച മൂന്നുപേരും വിദ്യാർഥികൾ. അങ്ങാടിക്കടവ് ഡോൺ ബോസ്‌കോ കോളേജിലെ ബിസിഎ മൂന്നാം വർഷ വിദ്യാർഥിയായ കണ്ണൂർ ഇരിട്ടി പാലത്തുംകടവ് കച്ചേരിക്കടവ് ചെൻമേലിൽ അഡോൺ ബെസ്റ്റി, ബികോം വിദ്യാർഥിനിയായ ഇരിട്ടി അങ്ങാടിക്കടവ് കലറക്കൽ ജിസ്‌ന മേരി ജോസഫ്, ബികോം മൂന്നാം വർഷ വിദ്യാർഥിനിയായ കാസർകോട് വെള്ളരിക്കുണ്ട് പുത്തൻപുരക്കൽ സ്‌നേഹ ജോസഫ് എന്നിവരാണ് മരിച്ചത്. അഡോണിൻ്റെയും സ്നേഹയുടെയും സഹോദരിമാരായ മൂന്നുപേരെ പരിക്കുകളോടെ ആശുപത്രിയിൽ പ്രവേശിപ്പിച്ചു.

കൽപ്പറ്റ-പടിഞ്ഞാറത്തറ റോഡിൽ പുഴമുടിക്ക് സമീപമാണ് കാർ നിയന്ത്രണം വിട്ട് താഴ്ചയിലേക്ക് മറിഞ്ഞ് അപകടമുണ്ടായത്. ഞായറാഴ്ച വൈകിട്ട് ആറോടെയാണ് സംഭവം. മലയാറ്റൂർ സന്ദർശനം കഴിഞ്ഞ് വരികയായിരുന്നു സംഘം. പുഴമുടിക്ക് സമീപം കാർ റോഡരികിലെ വൈദ്യുതി തൂണിൽ ഇടിച്ച് പത്തടിയോളം താഴ്ചയിലേക്ക് മറിയുകയായിരുന്നു.മറിഞ്ഞ കാർ വയലിലുള്ള പ്ലാവിൽ ഇടിച്ചു. ഇടിയുടെ ആഘാതത്തിൽ മരം മുറിഞ്ഞുപോകുകയും ചെയ്തു. ടാറ്റ ടിയാഗോ കാറാണ് അപകടത്തിൽപെട്ടത്. അപകടം നടന്ന ഉടനെ നാട്ടുകാർ ചേർന്നാണ് അപകടത്തിൽപ്പെട്ടവരെ കൽപ്പറ്റയിലെ ആശുപത്രികളിലെത്തിച്ചത്. രാത്രിയോടെ ബന്ധുക്കളെത്തിയാണ് മരിച്ചവരെ തിരിച്ചറിഞ്ഞത്.മരിച്ച അഡോൺ ബെസ്റ്റിയുടെ ഇളയ സഹോദരി ഡിയോണയെ ഗുരുതര പരിക്കുകളോടെ മേപ്പാടി ഡോ. മൂപ്പൻസ് മെഡിക്കൽ കോളേജിൽ പ്രവേശിപ്പിച്ചു. മരിച്ച സ്‌നേഹയുടെ ഇളയ സഹോദരി സോന, അങ്ങാടിക്കടവ് ഡോൺ ബോസ്‌കോ കോളജിലെ ബിസിഎ മൂന്നാം വർഷ വിദ്യാർഥിയായ ഇരിട്ടി പൂളകുറ്റി വെള്ളക്കടവ് സാൻഡോ ജോസ് അഗസ്റ്റിൻ എന്നിവരെ പരിക്കുകളോടെ കൽപ്പറ്റ ഫാത്തിമ ആശുപത്രിയിൽ പ്രവേശിപ്പിച്ചു.

@All rights reserved Typical Malayali.