ചേട്ടനെ പോലെ സ്‌നേഹിച്ച മനുഷ്യന്‍’..!! ഹൃദയം തകര്‍ത്ത മരണം.. വിങ്ങിപ്പൊട്ടി ലാലേട്ടന്‍..!! കണ്ണീരടക്കാനാകാതെ നടന്‍

മലയാളത്തിലെ എക്കാലത്തേയും സൂപ്പർഹിറ്റ് ചിത്രങ്ങളുടെ നിർമ്മാതാവ് പി.കെ.ആർ പിള്ള അന്തരിച്ചു
നിരവധി ജനപ്രിയ സിനിമകളുടെ നിർമ്മാതാവായിരുന്നു പിള്ള. മലയാളികൾക്ക് ഒരിക്കലും മറക്കാനാവാത്ത ഒട്ടനവധി ഹിറ്റ് ചിത്രങ്ങളും അദ്ദേഹത്തിന്റേതായി പുറത്തുവന്നിരുന്നു. വന്ദനം, ചിത്രം തുടങ്ങിയ സിനിമകൾ ഇന്നും പ്രേക്ഷകരുടെ പ്രിയപ്പെട്ട ചിത്രങ്ങളാണ്.ഷിർദ്ദിസായി ക്രിയേഷൻസിന്റെ ബാനറിലായിരുന്നു ചിത്രം നിർമ്മിച്ചിരുന്നത്.കൂത്താട്ടുകുളം സ്വദേശിയാണ്.വെപ്രാളം ആയിരുന്നു ആദ്യ ചിത്രം.ഏറ്റവും മിനുസമാർന്ന സ്‌ക്രീനുകളും മികച്ച പ്രകടനവുമുള്ള ടാബ്‌ലെറ്റുകൾ ഏറ്റവും കുറഞ്ഞ വിലയിൽ സ്വന്തമാക്കൂ!
മലയാള സിനിമ ലോകത്തിന് ഒരുപിടി മികച്ച സിനിമകൾ സമ്മാനിച്ച നിർമ്മാതാവ് പി.കെ.ആർ പിള്ള (92) അന്തരിച്ചു. വാർധക്യസഹജമായ അസുഖങ്ങളെ തുടർന്ന് ചികിത്സയിൽ കഴിയവേ തൃശൂർ പട്ടിക്കാട്ടെ വീട്ടിൽ വച്ചായിരുന്നു അന്ത്യം. ചിത്രം, വന്ദനം, കിഴക്കുണരും പക്ഷി, അമൃതംഗമയ തുടങ്ങി നിരവധി സൂപ്പർ ഹിറ്റ് സിനിമകൾ നിർമ്മിച്ചിരുന്നു. അവസാന നാളുകളിൽ അദ്ദേഹം മരുന്നിനും ഭക്ഷണത്തിനും നിവർത്തിയില്ലാതെ ജീവിതം ബുദ്ധിമുട്ടിലായിരുന്നുവെന്ന തരത്തിൽ മുൻപ് വാർത്തകൾ വന്നിരുന്നു.

1984 ൽ സുരേഷ ചന്ദ്ര മേനോൻ സംവിധാനം ചെയ്ത വെപ്രാളം എന്ന സിനിമയായിരുന്നു പിള്ള ആദ്യം നിർമ്മിച്ച ചിത്രം. മേനക, അടൂർ ഭാസി, ലക്ഷ്മി തുടങ്ങിയവരായിരുന്നു ചിത്രത്തിലെ പ്രധാന അഭിനേതാക്കൾ. പിന്നീട് ഓണത്തുമ്പിക്കൊരൂഞ്ഞാൽ, പുലി വരുന്നേ പുലി, ഊമപ്പെണ്ണിന് ഉരിയാടാപയ്യൻ തുടങ്ങി നിരവധി സിനിമകളുട നിർമ്മാതാവായി. മാത്രമല്ല മോഹൻലാലിന്റേയും മമ്മൂട്ടിയുടേയും ഉൾപ്പെടെ ബോക്സോഫീസിൽ ഹിറ്റായ നിരവധി സിനിമകളുടെ നിർമ്മാതാവായിരുന്നു അദ്ദേഹം. ഏകദേശം ഇരുപതിലധികം സിനിമകൾ പിള്ള നിർമ്മിച്ചിട്ടുണ്ട്.ഷിർദ്ദിസായി ക്രിയേഷൻസ് എന്ന ബാനറിലായിരുന്നു ചിത്രങ്ങൾ നിർമ്മിച്ചിരുന്നത്. നിരവധി സിനിമകൾ വിതരണം ചെയ്യുകയും ചെയ്തിട്ടുണ്ട്. പതിനാറോളം ചിത്രങ്ങൾ നിർമ്മിക്കുകയും 10 ചിത്രങ്ങൾ വിതരണം ചെയ്യുകയും ചെയ്തിട്ടുണ്ട്. ഏഴു മുതൽ ഒമ്പതു വരെ, ജാലകം, വെള്ളാനകളുടെ നാട്, ഏയ് ഓട്ടോ, വിഷ്ണുലോകം, അച്ഛനുറങ്ങാത്ത വീട് തുടങ്ങിയ ചിത്രങ്ങൾ വിതരണം ചെയ്തിട്ടുണ്ട്. ഏഴു മുതൽ ഒമ്പതു വരെ നിർമ്മിച്ചതും അദ്ദേഹം തന്നെയായിരുന്നു. 2002 ലെത്തിയ പ്രണയമണിത്തൂവൽ ആണ് അവസാനം നിർമ്മിച്ച ചിത്രം. രമയാണ് ഭാര്യ.രാജേഷ്, പ്രീതി, സോനു, അന്തരിച്ച നടൻ സിദ്ധു എന്നിവരാണ് മക്കൾ. ദുൽഖർ നായകനായെത്തിയ സെക്കന്റ് ഷോ എന്ന ചിത്രത്തിൽ വില്ലനായി അഭിനയിച്ച നടനാണ് സിദ്ധു. ഗോവയിലെ ബീച്ചിൽ സിദ്ധുവിനെ മരിച്ച നിലയിൽ കണ്ടെത്തുകയായിരുന്നു. ബുധനാഴ്ച വൈകിട്ട് തൃശൂരിലെ വീട്ടിൽ വച്ചാണ് പിള്ളയുടെ സംസ്കാര ചടങ്ങുകൾ നടക്കുക. എറണാകുളം കൂത്താട്ടുകുളം സ്വദേശിയാണ്. ഇടക്കാലത്ത് മുംബൈയിൽ ബിസിനസ് നടത്തിയിരുന്നു.12 വർഷം മുൻപ് ബിസിനസ് തകർന്നതോടെ തൃശൂരിലേക്ക് താമസം മാറ്റുകയായിരുന്നു. മുംബൈ മുനിസിപാലിറ്റിയിൽ കോൺഗ്രസ് സ്ഥാനാർഥിയായി മത്സരിക്കുകയും ചെയ്തിരുന്നു. നടൻ മധുപാൽ ഉൾപ്പെടെയുള്ളവർ അനുശോചനം രേഖപ്പെടുത്തിയിട്ടുണ്ട്.

@All rights reserved Typical Malayali.