വീട്ടുകാര്‍ പുറത്തിറങ്ങാതായി അനിയത്തിയോട് മോശമായി സംസാരിച്ചു പതിനെട്ടാം വയസിലെ ഒളിച്ചോട്ടത്തെപ്പറ്റി ശ്രീക്കുട്ടിയുടെ വെളിപ്പെടുത്തല്‍

ഒളിച്ചോടി പോയി കല്യാണം കഴിക്കുമ്പോള്‍ എനിക്ക് 18 വയസ്സ് ആയിരുന്നു, ഞങ്ങള്‍ തമ്മില്‍ 12 വയസ്സിന്റെ പ്രായ വ്യത്യാസം ഉണ്ട് ചോദ്യങ്ങള്‍ക്ക് മറുപടിയുമായി ശ്രീകുട്ടി.വീട്ടില്‍ സമ്മതിക്കില്ല എന്ന് കരുതിയാണ് പതിനെട്ടാം വയസ്സ് ആവാന്‍ വേണ്ടി കാത്തിരുന്ന് ഒളിച്ചോടി പോയത്. അമ്പലത്തിലേക്കാണ് എന്നും പറഞ്ഞ് ഇറങ്ങി പോയി താലി കെട്ടുകയായിരുന്നു. അത് അച്ഛനും അമ്മയ്ക്കും എല്ലാം വലിയ നാണക്കേട് ആയിരുന്നു.
ഓട്ടോഗ്രാഫ് എന്ന സീരിയലിലൂടെ പ്രേക്ഷക ശ്രദ്ധ നേടിയ നടിയാണ് ശ്രീകുട്ടി. അതിന് മുന്‍പ് ശ്രീ ഗുരുവായൂരപ്പന്‍ അടക്കമുള്ള സീരിയലുകള്‍ ചെയ്തിട്ടുണ്ട് എങ്കിലും ശ്രദ്ധിക്കപ്പെട്ടത് ഓട്ടോഗ്രാഫ് സീരിയലിലൂടെയാണ്. ഇപ്പോള്‍ നീണ്ട ഇടവേളയ്ക്ക് ശേഷം സസ്‌നേഹം എന്ന സീരിയലിലൂടെ തിരിച്ചു വന്നിരിയ്ക്കുകയാണ് നടി. യൂട്യൂബില്‍ വളരെ അധികം സജീവമായ ശ്രീകുട്ടി, തന്റെ സീരിയല്‍ വിശേഷങ്ങളും കുടുംബ വിശേഷങ്ങളും യൂട്യൂബ് വീഡിയോസിലൂടെ പങ്കുവയ്ക്കാറുണ്ട്. പ്രേക്ഷകരുടെ ചോദ്യത്തിന് മറുപടി നല്‍കുന്ന ക്യു ആന്റ് എ വീഡിയോ ആണ് ഏറ്റവും ഒടുവില്‍ ശ്രീകുട്ടി ചെയ്തത്. അതിലെ ചോദ്യങ്ങള്‍ക്ക് എല്ലാം നടി കൃത്യമായ മറുപടി നല്‍കി.ചോദ്യം ചോദിക്കാന്‍ ആവശ്യപ്പെട്ടുകൊണ്ടുള്ള പോസ്റ്റിന് താഴെ ഭൂരിഭാഗം ആളുകളും ഹായ് ആണ് ഇട്ടിരിയ്ക്കുന്നത്. അതുകൊണ്ട് എന്നോട് ഹായി പറഞ്ഞവര്‍ക്ക് എല്ലാം ഹായി എന്ന് പറഞ്ഞുകൊണ്ടാണ് ശ്രീകുട്ടി വീഡിയോ തുടങ്ങുന്നത്. ഓട്ടോഗ്രാഫ് ഉള്‍പ്പടെ ചെയ്ത സീരിയലുകളില്‍ മറക്കാന്‍ പറ്റാത്ത അനുഭവങ്ങളെ കുറിച്ചായിരുന്നു ആദ്യത്തെ ചോദ്യം. ഓട്ടോഗ്രാഫിലെ ഒരു അനുഭവവും ഞാന്‍ മറക്കില്ല. എന്റെ പ്രണയം മുതല്‍ എല്ലാ കാര്യങ്ങളും നടക്കുന്നത് ഓട്ടോഗ്രാഫിന്റെ സെറ്റിലാണ്. എന്നെ ജനങ്ങള്‍ അംഗീകരിച്ചതും അതിന് ശേഷമാണ്. അത് അല്ലാതെ എനിക്ക് മറക്കാന്‍ പറ്റാത്ത സീരിയല്‍ ഗുരുവായൂരപ്പന്‍ സീരിയല്‍ ആണ്. ഞാന്‍ എട്ടിലോ, ഒന്‍പതിലോ പഠിക്കുമ്പോഴാണ് ആ സീരിയല്‍ ചെയ്യുന്നത്. അന്ന് മുതല്‍ ഞാന്‍ കടുത്ത കൃഷ്ണ ഭക്തയാണ്.​പ്രയവും പ്രായ വ്യത്യാസവും.വയസ്സ് എത്രയാണ്, ഭര്‍ത്താവുമായുള്ള പ്രായ വ്യത്യാസം എത്രയാണ് എന്നൊക്കെ ചോദിച്ചുകൊണ്ടായിരുന്നു അടുത്ത ചോദ്യം. എനിക്ക് ഇപ്പോള്‍ 28 വയസ്സ് ആയി. 1994 ജൂണ്‍ 7 ന് ആണ് ഞാന്‍ ജനിച്ചത്. ഞാനും ഭര്‍ത്താവും തമ്മില്‍ 12 വയസ്സിന്റെ പ്രായ വ്യത്യാസം ഉണ്ട്. പതിനെട്ട് വയസ്സില്‍ ആയിരുന്നു എന്റെ വിവാഹം. പ്രേമിച്ച് ഒളിച്ചോട് കല്യാണം കഴിക്കാന്‍ വേണ്ടി പതിനെട്ട് വയസ്സ് ആവുന്നത് വരെ കാത്തിരിയ്ക്കുകയായിരുന്നു എന്നാണ് നടി പറഞ്ഞത്. അണ്ണാമല യൂണിവേഴ്‌സിറ്റിയില്‍ നിന്ന് വിദൂര വിദ്യാഭ്യാസത്തിലൂടെ ബിഎ പൂര്‍ത്തിയാക്കിയിട്ടുണ്ട് എന്നും ചോദ്യത്തിന് ഉത്തരമായി ശ്രീകുട്ടി പറഞ്ഞു.

​ഓട്ടോഗ്രാഫ് അനുഭവം.ഓട്ടോഗ്രാഫ് സീരിയലില്‍ മറക്കാന്‍ പറ്റാത്ത അനുഭവം പറയാന്‍ ആവശ്യപ്പെട്ടുകൊണ്ടായിരുന്നു മറ്റൊരു ചോദ്യം. ഓട്ടോഗ്രാഫ് സീരിയലില്‍ മറക്കാന്‍ പറ്റാത്ത അനുഭവങ്ങള്‍ മാത്രമേയുള്ളൂ. അതില്‍ ഏറ്റവും മറക്കാന്‍ കഴിയാത്തത്, ഞാനും എന്റെ എട്ടനും തമ്മിലുള്ള വിവാഹം തന്നെയാണ്. അതിന് മുന്‍പ് ഞങ്ങള്‍ ഒരുമിച്ച് വര്‍ക്ക് ചെയ്യുകയൊക്കെ ചെയ്തിട്ടുണ്ടെങ്കിലും ആ ലൊക്കേഷനില്‍ വച്ചാണ് ഞങ്ങള്‍ പ്രണയത്തിലാവുന്നത്. പിന്നെയുള്ള ഓര്‍മ ഞങ്ങളുടെ ഫൈവ് ഫിഗേഴ്‌സ് ഗ്യാണ് ആണ്. ഞങ്ങളെ അങ്ങനെ തന്നെ അങ്ങ് ജീവിക്കുകയായിരുന്നു. ഞങ്ങള്‍ ശരിക്കും ആ ഒരു ഷൂട്ടിങ് ലൊക്കേഷന്‍ ആഘോഷിക്കുകയാണ് ഉണ്ടായത്.​പ്രണയ കഥ.ലവ് സ്‌റ്റോറി പറയാനായി ഒരു ആരാധിക ആവശ്യപ്പെട്ടപ്പോള്‍ വലിയ താത്പര്യത്തോടെ തന്നെ ശ്രീകുട്ടി പറഞ്ഞു തുടങ്ങി. ഞാനും ഏട്ടനും ഒരുമിച്ച് ചെയ്യുന്ന മൂന്നാമത്തെ വര്‍ക്ക് ആയിരുന്നു ഓട്ടോഗ്രാഫ്. ചേട്ടന്റെ ഒരു പ്രകൃത്യം, എപ്പോഴും ദേഷ്യമാണ്. ആ ദേഷ്യം ഒന്ന് തണുപ്പിക്കാന്‍ പുള്ളിയെ പ്രേമിപ്പിക്കാം എന്ന് ലൊക്കേഷനിലുള്ള മറ്റുള്ളവര്‍ പ്ലാന്‍ ചെയ്തതു. അതിന്റെ ഒരു കരുവായി ഞാന്‍ നിന്നു എന്നതാണ് സത്യം. ഏട്ടനെ കളിപ്പിക്കാനായി തമാശയ്ക്ക് അങ്ങനെ പറഞ്ഞ് പറഞ്ഞ് അവസാനം അങ്ങ് പ്രണയത്തില്‍ ആവുകയായിരുന്നു. വീട്ടില്‍ സമ്മതിക്കില്ല എന്ന് കരുതിയാണ് പതിനെട്ടാം വയസ്സ് ആവാന്‍ വേണ്ടി കാത്തിരുന്ന് ഒളിച്ചോടി പോയത്. അമ്പലത്തിലേക്കാണ് എന്നും പറഞ്ഞ് ഇറങ്ങി പോയി താലി കെട്ടുകയായിരുന്നു. അത് അച്ഛനും അമ്മയ്ക്കും എല്ലാം വലിയ നാണക്കേട് ആയിരുന്നു. എനിക്കൊരു സഹോദരിയുണ്ട്, അവളുടെ ഭാവി എല്ലാം വലിയ വിഷയം ആയിരുന്നു. എന്നിട്ടും ഒരു കുഞ്ഞ് ഒക്കെ ആയതോടെ എല്ലാ പ്രശ്‌നങ്ങളും തീര്‍ന്നു. ഞാന്‍ തിരഞ്ഞെടുത്ത എന്റെ പാര്‍ട്ണര്‍ ഒട്ടും തെറ്റായ ഒരാള്‍ അല്ല എന്ന് എന്റെ കുടുംബത്തിന് മനസ്സിലായി. അതില്‍ ഞാനും ഹാപ്പിയാണ്.​സസ്‌നേഹത്തിലെ കമ്മല്‍.സസ്‌നേഹം സീരിയലില്‍ വലിയ കമ്മല്‍ ഇടേണ്ട എന്ന് ഒരു ആരാധിക അഭിപ്രായം പറയുകയുണ്ടായി. എന്നാല്‍ അത് തനിയ്ക്കും ആഗ്രഹമുണ്ടായിട്ടല്ല എന്ന് ശ്രീകുട്ടി പറയുന്നു. ചിലര്‍ സീരിയല്‍ കാണുന്നത് നമ്മളിടുന്ന മാലയും കമ്മലും ഡ്രസ്സും ഒക്കെ കാണാന്‍ വേണ്ടി തന്നെയാണ്. അതുകൊണ്ട് അത്തരം കാര്യങ്ങള്‍ ശ്രദ്ധിക്കണം എന്ന് സംവിധായകന് നിര്‍ബന്ധമുണ്ട്.​മൂന്ന് പേരും ഒന്നിക്കുമോ.നന്ദനം, വൃന്ദാവനം എന്നീ സീരിയലില്‍ ഒരുമിച്ച് ചെയ്ത രസ്‌നയും ഷെമി മാര്‍ട്ടിനും ഒപ്പം ഒരു ഗെറ്റ് ടുഗെതര്‍ പാര്‍ട്ടി ചെയ്യുമോ എന്ന് ഒരാള്‍ ചോദിച്ചു. എന്നാല്‍ അവര്‍ രണ്ട് പേരുമായി തനിയ്ക്ക് യാതൊരു ബന്ധവും ഇല്ല എന്നാണ് ശ്രീകുട്ടി പറയുന്നത്. രസ്‌ന ഇപ്പോള്‍ കുടുംബം എല്ലാം ആയി അഭിനയത്തില്‍ നിന്നും വിട്ടു നില്‍ക്കുകയാണ്. ഫീല്‍ഡിലേക്ക് തിരിച്ചുവരാനുള്ള ഒരു സാധ്യതയും ഇല്ല. ഷെമിയെ ആത്മയുടെ മീറ്റിങില്‍ എല്ലാം കാണാറുണ്ട് എങ്കിലും വലിയ രീതിയിലുള്ള ബന്ധം ഒന്നും ഞങ്ങള്‍ക്ക് ഇടയില്‍ ഇല്ല. രണ്ട് പേരെയും കിട്ടുകയാണ് എങ്കില്‍ ഒരു വീഡിയോ ചെയ്യുന്നതായിരിയ്ക്കും.
മകളുടെ സ്ട്രിക്ട് അമ്മയാണോ.മകളെ സ്ട്രിക്ട് ആയിട്ടാണോ വളര്‍ത്തുന്നത് എന്ന് ചോദിച്ച ഒരാളുണ്ട്. വലിയ സ്ട്രിക്ട് കൊടുത്ത് വളര്‍ത്തുന്നില്ല എങ്കിലും, പഠനത്തിന്റെ കാര്യത്തില്‍ കുറച്ച് സ്ട്രിക്ട് അമ്മയാണ്. പഠിച്ചില്ലെങ്കില്‍ അടിക്കാറുണ്ട്. അല്ലാത്ത ഒരു കാര്യത്തിനും ദേഷ്യം കാണിക്കാറില്ല. പക്ഷെ എന്റെ നോട്ടത്തിന്റെ അര്‍ത്ഥം അവള്‍ക്ക് മനസ്സിലാവും. രണ്ടാമത്തെ കുട്ടിയെ കുറിച്ച് ഇപ്പോഴൊന്നും ചിന്തിക്കുന്നില്ല എന്ന് ചോദ്യത്തിന് മറുപടി നല്‍കവെ ശ്രീകുട്ടി പറഞ്ഞു.

@All rights reserved Typical Malayali.