നമ്മളെ വേണ്ടാത്തവരെ നമ്മൾക്കും വേണ്ട ; ഞാൻ മാത്രമാണോ കുറ്റക്കാരി…? ഇത്രയേറെ ആരെയും സ്നേഹിച്ചിട്ടില്ല’; പേര് പരാമർശിക്കാതെ തനൂജ

തനൂജ – ഷൈൻ ടോം പ്രണയം വിവാഹത്തോളം എത്തിയതാണ്. പൊതുവേദികളിൽ ഇരുവരും ഒരുമിച്ചെത്തിയപ്പോൾ നിറഞ്ഞ സ്വീകരണമാണ് ആരാധകരും നൽകിയത്. എന്നാൽ ഇരുവരും ബ്രേക്ക് അപ് ആയ വിവരം കഴിഞ്ഞദിവസം ഷൈൻ ടോം തന്നെ പറഞ്ഞിരുന്നു. ആ വിഷയത്തിൽ ആദ്യമായി പ്രതികരിക്കുകയാണ് തനൂജ. ലൈവിൽ എത്തിയാണ് താരത്തിന്റെ പ്രതികരണം. ആണായാലും പെണ്ണായാലും ആരെയും വിശ്വസിക്കരുത്. എല്ലാവരിൽ നിന്നും ഒരു അകലം പാലിക്കണം എന്നും തനൂജ സ്വന്തം അനുഭവത്തിൽ പറയുന്നു.

തനൂജയുടെ വാക്കുകൾ

ഷൈൻ ടോം വിഷയത്തിൽ എനിയ്ക്ക് ഒന്നും പറയാൻ ഇല്ല. ആ ടോപ്പിക്ക് ഞാൻ വിട്ടതാണ്. എനിക്ക് അതേകുറിച്ച് ഒട്ടും താത്പ്പര്യം ഇല്ല സംസാരിക്കാൻ. ആൾ ആളുടെ രീതിയിൽ നല്ല വൈബിൽ പോകുന്നുണ്ട്. ആള് ഹാപ്പി ആയി പോകുന്നുണ്ട്. ഞാൻ എന്റെ കാര്യങ്ങൾ നോക്കിയും പോകുന്നുണ്ട്. ഒരുപാട് ഞാൻ പ്രതീക്ഷിച്ചതാണ്. എന്നാൽ ഇപ്പോൾ ഇവർ ഒന്നും എന്നെ സമ്മതിക്കുന്നില്ല-എന്നാണ് ഷൈനിനെ കുറിച്ചുള്ള ചോദ്യങ്ങൾക്ക് നൽകിയ മറുപടി.

ബന്ധങ്ങളെ അമിതമായി വിശ്വസിക്കുന്നതിനെക്കുറിച്ചുകൂടി തനൂജ പറയുന്നു

എനിക്ക് അത് പല്ലു കുത്തി നാറ്റിക്കാൻ താത്പര്യമില്ല. നമ്മൾ വിശ്വസിച്ചിട്ട് കുറെ എണ്ണത്തെ കൂടെ കൂട്ടും. അവസാനം ലാസ്റ്റിൽ നമ്മളെ ഇട്ടിട്ട് പോകും. അങ്ങനെ രണ്ടെണ്ണം എന്റെ ഒപ്പം ഉണ്ടായിരുന്നു. രണ്ടുവർഷം കൂടെ കൂട്ടിയതാണ്. അവസാനം എനിക്ക് നല്ല പണി തന്നിട്ട് അങ്ങട് കടന്നു കളയും. ഒറ്റയ്ക്ക് ആണ് നല്ലത്. ആരും വേണ്ട. ഞാൻ എന്റെ അനുഭവത്തിൽ നിന്നും ഒരു കാര്യം പറഞ്ഞു തരാം. നമ്മൾ നമ്മുടെ കാര്യങ്ങൾ പേഴ്സണൽ ആയതൊക്കെ അങ്ങനെ തന്നെ വയ്ക്കണം, നമ്മൾക്ക് സങ്കടം ആവുമ്പോൾ എല്ലാം ഷെയർ ചെയ്തിട്ട് അവർ തെറ്റിക്കഴിയുമ്പോൾ അത് പബ്ലിക്ക് ആക്കും. അങ്ങനെ നാറ്റിച്ചു കളയും . നമ്മൾ ആരെയും വിശ്വസിക്കരുത്. അത് ആരായാലും. നമ്മൾക്ക് കുറെ വാഗ്ദാനങ്ങൾ തരും കൂടെക്കൂട്ടും. എന്നാൽ നമ്മൾ അതൊന്നും വിശ്വസിക്കരുത്. ആരെയും വിശ്വസിക്കരുത് എന്നെ എനിക്ക് പറയാൻ ഉള്ളൂ.

എത്ര ക്ളോസ് ആയാലും ആരെയും നമ്പിക്കൂടാ. നമ്മൾ നന്ദികേട് കാണിക്കരുത്. പറ്റിപ്പോയി. എന്റെ ജീവിതത്തിലും തെറ്റ് പറ്റിപ്പോയി. ഞാൻ ഇത്രയും ആരെയും സ്നേഹിച്ചിട്ടുണ്ടാവില്ല. രണ്ടുവർഷം ആണ് സ്നേഹിച്ചത്. എന്നിട്ട് എന്നെ അങ്ങ് തേച്ചൊട്ടിച്ചു. ഇപ്പോൾ ഞാൻ കുറ്റക്കാരി. നമ്മൾ ചെയ്യുന്നത് എല്ലാം തെറ്റ് അവർ ചെയ്യുന്നത് എല്ലാം ശരി.

നമ്മളെ ആരും അല്ലാണ്ടാക്കി കളഞ്ഞു. ആര് പോയാലും സങ്കടം ഇല്ലായിരുന്നു, പക്ഷെ അവർ പോയതിൽ ഒരുപാട് സങ്കടം ഉണ്ട്. ഞാൻ ഇപ്പോഴും ഒക്കെ ആയിട്ടില്ല. കാരണം നമ്മുടെ ഒപ്പം എപ്പോഴും ഉണ്ടാകും എന്ന് കരുതി. ഞാൻ എന്റെ കുടുംബത്തെ വിട്ടിട്ട് വന്നതാണ്. ഫോട്ടോ ഫ്രയിം ചെയ്തത് ഒക്കെ എറിഞ്ഞു പൊട്ടിച്ചു. എനിക്ക്എന്തൊക്കെയോ പച്ചക്ക് പറയാൻ ഉണ്ട് പക്ഷെ ഒന്നും പറയാൻ ഇല്ല. എനിക്ക് എട്ടിന്റെ പണി ആണ് കിട്ടിയത്. നമ്മൾക്ക് ഒരുപാട് സങ്കടം ഉണ്ടാകും. പക്ഷെ ആരെയും വിശ്വസിക്കാൻ ആകില്ല. നമ്മളെ വേണ്ടാത്തവരെ നമ്മൾക്കും വേണ്ട. ആർക്കുവേണ്ടിയും കരയാൻ പാടില്ല. എനിക്ക് ഈ ലൈവിൽ വന്നിട്ട് പറയേണ്ട കാര്യമില്ല. പക്ഷെ അനുഭവം നിങ്ങളുമായി ഷെയർ ചെയ്യണമല്ലോ.

ഇനി ആരും വേണ്ട, നമ്മൾ മാത്രം മതി. അയാൾ നല്ലൊരു മനുഷ്യൻ ആണ്. ആള് എന്നെ ചതിച്ചട്ടുമില്ല, ഞാൻ ആളെയും ചതിച്ചിട്ടില്ല. ഞാൻ കണ്ടതിൽ വച്ചേറ്റവും നല്ല ആളാണ് അദ്ദേഹം. പിന്നെ നമ്മൾക്ക് ഒരു സ്ഥലത്ത് ആകില്ല എങ്കിൽ അപ്പോഴേ പോകണം; ബന്ധങ്ങളിൽ ഉണ്ടാകുന്ന അകൽച്ചയെക്കുറിച്ചും ആരുടേയും പേര് പാരാമര്ശിക്കാതെയും ആണ് തനുവിന്റെ പ്രതികരണം.

അതേസമയം ലൈവ് വീഡിയോ വൈറൽ ആയതോടെ താൻ ഷൈനിനെ കുറിച്ചല്ല സംസാരിച്ചത് എന്നും അദ്ദേഹത്തിന് ബുദ്ധിമുട്ട് ഉണ്ടാക്കരുത് എന്നും താനൂജ അഭ്യർത്ഥിച്ചു കൊണ്ട് പോസ്റ്റ് പങ്കിട്ടു.

@All rights reserved Typical Malayali.