മുത്തപ്പനരികില്‍ കണ്ണീരോടെ ചിത്രാമ്മ..!! ആ കൈകള്‍ പൊതിഞ്ഞ് മുത്തപ്പന്‍ പറഞ്ഞത് കേട്ടോ..!! ഗായികയുടെ പ്രാര്‍ത്ഥന സഫലമാകും..!!

നിരവധി ഗായകരെ മലയാളക്കരക്ക് സമ്മാനിക്കുന്നു എന്നതിലുപരി, മലയാളികൾക്ക് ഏറെ സുവർണ്ണ നിമിഷങ്ങൾ കൂടി സമ്മാനിക്കുന്ന പരിപാടിയാണ് സ്റ്റാർ സിംഗർ ഷോ. കണ്ടിരിക്കുന്ന ആരാധകരുടെ കണ്ണും മനസ്സും നിറയ്ക്കുന്ന ഷോ കൂടിയാണ് ഇത്തവണത്തേയും സീസൺ. മലയാളികളുടെ വാനമ്പാടി കെ എസ് ചിത്ര അടക്കമുള്ള പ്രഗത്ഭരായ ഗായകരാണ് ഇത്തവണത്തെ സീസണിൽ ജഡ്ജസായി എത്തിയിരിക്കുന്നത്.

ചിത്രയെ അടുത്തറിയാനും, അവരോടുള്ള ആരാധന കൂടാനും ഇത്തവണത്തെ സീസൺ സഹായിച്ചിട്ടുണ്ട് എന്ന് പറയുന്നതിൽ തെറ്റില്ല. വിധു പ്രതാപും, സിത്താരയും, രമേശ് പിഷാരടിയും ഇടക്കിടെ ചിത്ര ചേച്ചിയെകൊണ്ട് റീൽസ് വരെ ചെയ്യിച്ചും മലയാളികൾക്ക് പൊട്ടിച്ചിരി പോലും സമ്മാനിക്കാറുണ്ട്.കഴിഞ്ഞ ദിവസത്തെ ഒരു എപ്പിസോഡ് ആണ് കാഴ്ചക്കാരന്റെ കണ്ണുകളെ ഈറൻ അണിയിച്ചത്. ഒരു കുഞ്ഞു ആരാധികയുടെ ഏറെ നാളത്തെ ആഗ്രഹസഫലീകരണത്തിന് കൂടി സ്റ്റാർ സിംഗറിന്റെ വേദി സാക്ഷ്യം വഹിച്ചു.

ലക്ഷ്മിക്കുട്ടി എന്ന പെൺകുട്ടി ചിത്ര ചേച്ചിയെ കാണാനുള്ള ആഗ്രഹം ഏറെ നാളുകൾക്ക് മുൻപ് ഒരു വീഡിയോയിലൂടെ പറഞ്ഞിരുന്നു. ഇൻഫ്ലുവെൻസർ കൂടിയായ സനു അത് സോഷ്യൽ മീഡിയയിൽ പങ്കിട്ടു.

അത്രയധികം ലൈക്ക്‌സും ഷെയറും, ആണ് വീഡിയോക്ക് ലഭിച്ചിരുന്നത്. അങ്ങനെ ചിത്രച്ചേച്ചിയും ആ വീഡിയോ കാണാൻ ഇടയായി. ജന്മനാ ഓട്ടിസം ബാധിച്ച കുട്ടിയാണ് 23 കാരിയായ ലക്ഷ്മിക്കുട്ടി. ചേച്ചിയെ കെട്ടിപ്പിടിച്ചുകൊണ്ട് ഒരു ഉമ്മ കൊടുക്കണം അതാണ് ഏറ്റവും വലിയ ആഗ്രഹമെന്നും ലക്ഷ്മിക്കുട്ടി വീഡിയോയിൽ പറയുന്നുണ്ടായിരുന്നു. അങ്ങനെ ഏറ്റവും ഒടുവിൽ അവൾ ചിത്ര ചേച്ചിയെ കണ്ടുമുട്ടുന്ന വീഡിയോ ആണ് ഇപ്പോൾ ലോക മലയാളികൾ ഹൃദയത്തോട് ചേർത്തുനിർത്തുന്നത്.

വേദിയിൽ എത്തിയ ലക്ഷ്മി ചിത്രയെ കെട്ടിപിടിച്ചുകൊണ്ട് വികാരാധീന ആകുന്ന രംഗങ്ങൾ ആണ് ഇപ്പോൾ സോഷ്യൽ മീഡിയയിൽ നിറയുന്നത്. എനിക്കിപ്പോൾ സന്തോഷം ആയെന്നും, പാടാൻ അറിയില്ല, ചിത്ര ചേച്ചി ഒരുപാട്ട് പാടി താ എനിക്ക് എന്നും ലക്ഷ്മി പറയുമ്പോൾ രമേശ് പിഷാരടി അടക്കമുള്ള ആളുകളുടെ കണ്ണുകൾ ഈറൻ അണിയുന്നു.

ഏതോ വാർമുകിലിൽ കിനാവിലെ മുത്തായി നീ വന്നു എന്ന ഗാനം ചിത്ര ലക്ഷ്മിക്ക് പാടി നൽകുന്നു.

ഭയങ്കര സന്തോഷമായി ചിത്ര ചേച്ചി എനിക്ക്. ഞൻ സ്റ്റാർ സിംഗർ കാണുമ്പൊൾ ഒക്കെയും എനിക്ക് ചിത്ര ചേച്ചിയെ കാണണം കെട്ടിപിടിക്കണം ഉമ്മ വയ്ക്കണം എന്നായിരുന്നു മനസ്സ് നിറയെ. ചുണ്ടൊക്കെ ചുമപ്പിച്ച് ഞാൻ സുന്ദരി ആയിട്ടുണ്ടോ എന്ന് ലക്ഷ്മിക്കുട്ടി ചോദിക്കുന്നതും – ഇത് കേട്ടതോടെ ചിത്ര ഒരു മകളെ എന്ന പോലെ ലക്ഷ്മിയെ ചേർത്തുപിടിച്ചു ഉമ്മ വയ്ക്കുന്നതും ആരുടേയും കണ്ണുകൾ നനയ്ക്കും.

സങ്കടം വന്നു. ആ മോളുടെ നിഷ്കളങ്കമായ ചിരിയും സംസാരവും എന്ത് രസമാണ് കാണാൻ,പറയാൻ വാക്കുകൾ ഇല്ല അറിയാതെ കണ്ണ് നിറഞ്ഞു. നന്ദനകുട്ടി ഇതുകണ്ട് സന്തോഷിക്കുന്നുണ്ടാകും. ആ മോളുടെ ആഗ്രഹം സാധിച്ചുകൊടുത്ത എല്ലാവർക്കും കോടി പുണ്യം കിട്ടും… ഇതുപോലെ ഉള്ള കുട്ടികളെ മാറ്റി നിർത്തുന്നവർ ഇതൊക്കെ ഒരു പാഠം ആക്കണം… ജീവിതത്തിൽ ചിത്ര ചേച്ചിക്ക് ഇനിയും ഉയരങ്ങളിൽ എത്താൻ കഴിയും- എന്നുതുടങ്ങി ഒരായിരം മെസേജുകൾ ആണ് വേഡിയോയിൽ ലഭിക്കുന്നത്.

@All rights reserved Typical Malayali.