വെറുക്കുന്നവര്‍ പലതും പറയും! തന്റെ സുന്ദരനായ ഭര്‍ത്താവിന് ജന്മദിനാശംസകള്‍ അറിയിച്ച് പേളി; ഇപ്പോഴത്തെ ശ്രീനിയുടെ അവസ്ഥ ഇതാണ്

വെറുക്കുന്നവര്‍ പലതും പറയും! തന്റെ സുന്ദരനായ ഭര്‍ത്താവിന് ജന്മദിനാശംസകള്‍ അറിയിച്ച് പേളി; ഇപ്പോഴത്തെ ശ്രീനിയുടെ അവസ്ഥ ഇതാണ്!

പേളിയ്ക്കും ശ്രീനിഷിനും എന്തും ആഘോഷമാണ്. പേളിയുടെ ബര്‍ത്ത് ഡേയ്ക്ക് പിന്നാലെ, ശ്രീനിയുടെ ബര്‍ത്ത് ഡേയും ഇരുവരും പട്ടായയിലാണ് ആഘോഷിക്കുന്നത്. ബര്‍ത്ത് ഡേയോട് അനുബന്ധിച്ച് പേളി പങ്കുവച്ച ഇന്‍സ്റ്റഗ്രാം പോസ്റ്റാണ് ഇപ്പോള്‍ വൈറലാവുന്നത്

പേളി മാണിയെയും ശ്രീനിഷ് അരവിന്ദിനെയും ഇപ്പോള്‍ പ്രേക്ഷകര്‍ക്ക് പ്രത്യേകിച്ച് പരിചയപ്പെടുത്തേണ്ടതില്ല. സോഷ്യല്‍ മീഡിയയിലൂടെ അത്രയധികം പ്രേക്ഷകരിലേക്ക് ഇറങ്ങിച്ചെന്ന താരദമ്പതികളാണ് പേളിയും ശ്രീനിയും. തങ്ങളുടെ എന്ത് വിശേഷവും ഇന്‍സ്റ്റഗ്രാമിലൂടെയും യൂട്യൂബിലൂടെയും പേളിയും ശ്രീനിഷും ആരാധകരെ അറിയിക്കാറുണ്ട് ശ്രീനിയുടെ ബര്‍ത്ത് ഡേയാണ് ഇപ്പോഴത്തെ വിശേഷം

ശ്രീനിയ്ക്ക് ബര്‍ത്ത് ഡേ വിഷസ് അറിയിച്ചു പങ്കുവച്ച പോസ്റ്റും, ബര്‍ത്ത് ഡേ ആഘോഷിച്ചതിന്റെ ചിത്രങ്ങളും പേളി ഇന്‍സ്റ്റഗ്രാമില്‍ പങ്കുവച്ചിട്ടുണ്ട്. ബര്‍ത്ത്‌ഡേ ആഘോഷത്തിന്റെ ഭാഗമായി പേളിയും ശ്രീയും മക്കളും ഇപ്പോള്‍ പട്ടായയിലാണ്. അവിടെ വച്ച് ഒരു മങ്കിക്കൊപ്പം നിന്നെടുത്ത ശ്രീനിയുടെ ഫോട്ടോയ്‌ക്കൊപ്പമാണ് ബര്‍ത്ത്‌ഡേ വിഷസ് പോസ്റ്റ്.

‘ഇതിലും നല്ലൊരു ഫോട്ടോ കിട്ടിയില്ല. എന്റെ സുന്ദരനായ ഭര്‍ത്താവിന് പിറന്നാള്‍ ആശംസകള്‍. വിമര്‍ശകര്‍ ചിലപ്പോള്‍ ഇതും ഫോട്ടോഷൂട്ടാണ് എന്ന് പറഞ്ഞേക്കാം’ എന്ന് പറഞ്ഞുകൊണ്ടാണ് പേളി ഫോട്ടോകള്‍ പങ്കുവച്ചിരിയ്ക്കുന്നത്. പോസ്റ്റിന് താഴെ ശ്രീനിയ്ക്ക് ആശംസകളറിയിച്ച് നിരവധി കമന്റുകളാണ് വരുന്നത്.

മറ്റൊരു പോസ്റ്റില്‍ ഇപ്പോഴത്തെ ശ്രീനിയുടെ അവസ്ഥ എന്താണ് എന്നും പേളി വ്യക്തമാക്കുന്നുണ്ട്. ബര്‍ത്ത്‌ഡേയ്ക്ക് കട്ട് ചെയ്ത ഈ കേക്കിന്റെ അവസ്ഥയാണെന്നാണ് പേളി പറയുന്നത്. ഭര്‍ത്താവ് , അച്ഛന്‍ എന്നീ നിലകളില്‍ ശ്രീനി എങ്ങനെയാണ് എന്ന് കാണിക്കുന്ന മനോഹരമായ ഒരു കേക്കാണ് ബര്‍ത്ത് ഡേയ്ക്ക് കട്ട് ചെയ്തത്.

‘എന്റെ ജീവിതത്തിന്റെ പ്രണയത്തിന് ഹാപ്പി ബര്‍ത്ത് ഡേ. ഏറ്റവും മികച്ച ഭര്‍ത്താവും അച്ഛനുമായ ശ്രീനിയ്ക്ക് അത്രയും പെര്‍ഫക്ട് ആയ കേക്കാണ് ഞങ്ങളുണ്ടാക്കിയത്. ഇപ്പോഴത്തെ ശ്രീനിയുടെ കണ്ടീഷന്‍ എന്താണ് എന്ന് ഈ കേക്കില്‍ നിന്ന് തന്നെ വ്യക്തം’ എന്ന് പേളി പറയുന്നു. കേക്കിനും ആഘോഷത്തിനും ആശംസയ്ക്കുമൊക്കെ നന്ദി പറഞ്ഞ് ശ്രീനി കമന്റില്‍ എത്തിയിട്ടുണ്ട്. പൊണ്ടാട്ടിയ്ക്ക് നന്ദി പറഞ്ഞിട്ട ആ കമന്റിനും ആയിരത്തിലധികം ലൈക്കാണ്.

കഴിഞ്ഞ ആഴ്ചയായിരുന്നു പേളിയുടെ ബര്‍ത്ത് ഡേ. ഈ ആഴ്ച ശ്രീനിയുടെയും. രണ്ടു പേരുടെയും ബര്‍ത്ത് ഡേ ആഘോഷിക്കുന്നതിന് വേണ്ടിയാണ് പട്ടായയിലേക്ക് പോയിരിക്കുന്നത്. നിതാരയ്ക്ക് പാസ്‌പോര്‍ട്ട് കിട്ടിയതിന് ശേഷമുള്ള ആദ്യത്തെ യാത്രയാണിത് എന്ന പ്രത്യേകതയുമുണ്ട്.

@All rights reserved Typical Malayali.