എന്റെ അമ്മയെ കുറിച്ച് ഒരക്ഷരം മിണ്ടരുത്’.. എന്നെ പഠിപ്പിച്ചത് ഇങ്ങനെ ജീവിക്കാനാണ്.. പൊട്ടിത്തെറിച്ച് ഗോപി സുന്ദര്‍

നില്‍ക്കാന്‍ പറ്റാത്തിടത്ത് നിന്ന് ഉറഞ്ഞ് തുള്ളി മരിക്കാന്‍ എന്നെ പഠിപ്പിച്ചിട്ടില്ല! അമ്മയെ വിമര്‍ശിച്ചയാള്‍ക്ക് ഗോപി സുന്ദറിന്റെ മാസ് മറുപടി.വേറിട്ട ഗാനങ്ങളിലൂടെയായി സിനിമയില്‍ സജീവമാണ് ഗോപി സുന്ദര്‍. ആലാപനവും സംഗീത സംവിധാനവുമൊക്കെയായി സജീവമാണ് അദ്ദേഹം. വ്യക്തി ജീവിതത്തിലെ കാര്യങ്ങളെക്കുറിച്ചായാലും പാട്ടിനെക്കുറിച്ചായാലും അനാവശ്യ വിമര്‍ശനങ്ങള്‍ നടത്തുന്നവര്‍ക്ക് ചുട്ട മറുപടിയേകാറുണ്ട് അദ്ദേഹം.ഗായകനും സംഗീതസംവിധായകനുമായ ഗോപി സുന്ദര്‍ സോഷ്യല്‍മീഡിയയില്‍ സജീവമാണ്. പങ്കിടുന്ന വിശേഷങ്ങളെല്ലാം പെട്ടെന്ന് തന്നെ വൈറലായി മാറാറുണ്ട്. തെന്നിന്ത്യന്‍ ഭാഷകളിലെല്ലാമായി അദ്ദേഹം തന്റെ സാന്നിധ്യം അറിയിച്ചിരുന്നു. റിയാലിറ്റി ഷോകളില്‍ ജഡ്ജായും അദ്ദേഹം എത്താറുണ്ട്. അമൃത സുരേഷുമായി ഒന്നിച്ചതോടെയാണ് അദ്ദേഹത്തിനെതിരെ രൂക്ഷവിമര്‍ശനങ്ങള്‍ ഉയര്‍ന്നത്. നേരത്തെയുണ്ടായിരുന്ന ലിവിങ് റ്റുഗദര്‍ ജീവിതം അവസാനിപ്പിച്ചായിരുന്നു അദ്ദേഹം അമൃതയുമായി ഒന്നിച്ചത്. പ്രണയത്തെക്കുറിച്ചും ഒന്നിച്ചുള്ള ജീവിതത്തെക്കുറിച്ചുമുള്ള ഇവരുടെ അഭിമുഖങ്ങള്‍ വൈറലായിരുന്നു. കുടുംബത്തിലെയും കരിയറിലെയും വിശേഷങ്ങളെല്ലാം ഗോപി സുന്ദര്‍ സോഷ്യല്‍മീഡിയയിലൂടെയും പങ്കിടാറുണ്ട്. ഇപ്പോഴിതാ അമ്മയ്ക്കും മുത്തശ്ശിക്കും ഒപ്പമുള്ള വീഡിയോയുമായെത്തിയിരിക്കുകയാണ് അദ്ദേഹം.

അമ്മ എന്ന ക്യാപ്ഷനോടെയായാണ് പുതിയ വീഡിയോ പങ്കുവെച്ചത്. അമ്മയുടെ കവിളില്‍ ഉമ്മ വെക്കുന്ന ഫോട്ടോയാണ് വീഡിയോയിലുള്ളത്. നിരവധി പേരായിരുന്നു ചിത്രത്തിന് താഴെയായി കമന്റുകളുമായെത്തിയത്. പതിവ് പോലെ തന്നെ ഇത്തവണയും വിമര്‍ശനങ്ങളുണ്ടായിരുന്നു. റെസ്‌പെക്റ്റ് അമ്മ, പാവം നിന്നെക്കൊണ്ട് നിന്റെ സ്വഭാവം കൊണ്ട് എത്ര വിഷമിച്ചിട്ടുണ്ടാവും ആ പാവം അമ്മ. ഇതിലെങ്കില്‍ ഉറച്ച് നില്‍ക്കട്ടെ എന്ന് പ്രാര്‍ത്ഥിക്കാം ഗോപി എന്നായിരുന്നു ഒരാള്‍ കമന്റ് ചെയ്തത്.എന്റെ അമ്മ എപ്പോഴും സന്തോഷവതിയാണ്. ഞാനും എപ്പോഴും സന്തോഷവാനായിരിക്കണം എന്നാണ് അമ്മ ആഗ്രഹിക്കുന്നത്. എന്റെ തീരുമാനങ്ങളില്‍ അമ്മയ്ക്ക് വിശ്വാസമുണ്ട്. നില്‍ക്കാന്‍ പറ്റാത്ത സ്ഥലത്ത് ഉറച്ച് നിന്ന് ഉറഞ്ഞ് തുള്ളി മരിക്കാന്‍ എന്റെ അമ്മ എന്നെ പഠിപ്പിച്ചിട്ടില്ലെന്നായിരുന്നു ഗോപി സുന്ദറിന്റെ മറുപടി. ലോകം എന്നേ മാറി, നമ്മള്‍ മലയാളികളാണ് മാറാത്തതെന്നായിരുന്നു മുന്‍പ് ഗോപി സുന്ദര്‍ തന്നെ പരിഹസിച്ചയാള്‍ക്ക് മറുപടി കൊടുത്തത്.
അങ്കൂട്ടനെന്നാണ് അച്ഛനും അമ്മയും തന്നെ വിളിക്കുന്നത്. സംഗീത ജീവിതത്തില്‍ അവരുടെ പിന്തുണ പറഞ്ഞറിയിക്കാനാവുന്നതല്ല. ജീവിതത്തെക്കുറിച്ച് തീരുമാനമെടുത്തപ്പോഴും അവര്‍ പിന്തുണച്ചിരുന്നു. അമൃതയെക്കുറിച്ച് അമ്മയും അച്ഛനും അന്വേഷിക്കാറുണ്ടെന്നും ഗോപി സുന്ദര്‍ പറഞ്ഞിരുന്നു. അമൃതയ്‌ക്കൊപ്പം ലൈവില്‍ വന്നപ്പോള്‍ അമ്മയും അവരോട് വിശേഷം ചോദിച്ചിരുന്നു. നേരത്തെയും അമ്മയ്‌ക്കൊപ്പമുള്ള ചിത്രങ്ങള്‍ ഗോപി സുന്ദര്‍ പങ്കുവെച്ചിട്ടുണ്ട്.മകനെ മാന്യനായി വളര്‍ത്തിയ അമ്മ എന്നായിരുന്നു അന്ന് ചിലര്‍ പരിഹസിച്ചത്. എന്റെ ജീവിതത്തിലെ ചില ദുര്‍ഘട സാഹചര്യങ്ങളില്‍ ഞാന്‍ എടുത്ത തീരുമാനങ്ങളില്‍ എതിര്‍പ്പുണ്ടെന്ന് കരുതി താങ്കളെന്തിനാണ് അമ്മയെ വിമര്‍ശിക്കുന്നത്. ഈ മകനെ മാന്യനായി തന്നെയാണ് അമ്മ വളര്‍ത്തിയതെന്നും അദ്ദേഹം വ്യക്തമാക്കിയിരുന്നു. തിരക്കുകള്‍ക്കിടയിലും അച്ഛനേയും അമ്മയേയും കാണാനായി ഓടിയെത്തുന്ന മകനാണ് താനെന്നും ഗോപി സുന്ദര്‍ പറഞ്ഞിരുന്നു.

@All rights reserved Typical Malayali.