നടി ഗീതു മോഹന്‍ദാസിന്റെ മകളെ കണ്ടോ അമ്മയേക്കാള്‍ സുന്ദരി ഭര്‍ത്താവിന് സംഭവിച്ച രൂപമാറ്റം വിശ്വസിക്കാനാകാതെ ആരാധകര്‍

മകളെ വാരിപ്പുണർന്ന് ഗീതു; രസികൻ കമന്‍റുകളുമായി താരങ്ങളും ആരാധകരും.മകൾ ആരാധനയെ തന്‍റെ മിനിയേച്ചർ‍ വേർ‍ഷനാണെന്ന് പലപ്പോഴും ഗീതു വിശേഷിപ്പിച്ചിട്ടുണ്ട്.’മൂത്തോൻ’ എന്ന സിനിമയിലൂടെ ലോകമറിയുന്ന സംവിധായികയായി മാറിയ നടിയാണ് ഗീതു മോഹൻദാസ്. 2009-ലാണ് ഛായാഗ്രാഹകനും സംവിധായകനുമായ രാജീവ് രവിയുമായി ഗീതുവിന്‍റെ വിവാഹം നടന്നത്. ആരാധന എന്ന മകളും ഇവര്‍ക്കുണ്ട്. ഇൻസ്റ്റയിൽ സജീവമായ ഗീതു ഇടയ്ക്കിടെ കുടുംബ ചിത്രങ്ങൾ സോഷ്യൽ മീഡിയയിൽ പങ്കുവയ്ക്കാറുണ്ട്. ഇപ്പോഴിതാ മകൾ ആരാധനയ്‌ക്കൊപ്പമുള്ള മനോഹരമായ സെൽഫി ചിത്രങ്ങൾ ഗീതു പങ്കുവെച്ചിരിക്കുകയാണ്. ആരാധനയെ വാരിപ്പുണരുന്ന ഗീതുവിനെ ചിത്രങ്ങളിൽ കാണാം.അഞ്ചാം വയസ്സിൽ മോഹൻലാൽ ചിത്രം ഒന്നു മുതൽ പൂജ്യം വരെ എന്ന സിനിമയിലൂടെയാണ് ഗീതു സിനിമാ ലോകത്തേക്ക് എത്തിയത്. ആദ്യ സിനിമയിലൂടെ തന്നെ മികച്ച ബാലതാരത്തിനുള്ള സംസ്ഥാന ചലച്ചിത്ര പുരസ്കാരം ഗീതുവിന് ലഭിച്ചു. 1988 വരെ സിനിമയിലഭിനയിച്ച ശേഷം പിന്നീട് ഒരിടവേളയായിരുന്നു. ശേഷം 19-ാം വയസ്സിലാണ് വീണ്ടും സിനിമയിലേക്ക് തിരിച്ചെത്തിയത്.ലൈഫ് ഈസ് ബ്യൂട്ടിഫുള്‍ എന്ന സിനിമയിൽ മോഹൻലാലിനോടൊപ്പം തന്നെയായിരുന്നു അഭിനയിച്ചത്. പിന്നീട് 2009 വരെ മലയാളത്തിലും തമിഴിലും നിരവധി സിനിമകളിൽ അഭിനയിച്ചു. 2009ൽ ആദ്യ സിനിമ സംവിധാനം ചെയ്യുകയുമുണ്ടായി ഗീതു. കേള്‍ക്കുന്നുണ്ടോ എന്ന ഹ്രസ്വചിത്രമായിരുന്നു അത്. 2014-ൽ ഹിന്ദിയിൽ ലയേഴ്സ് ഡയസ് എന്ന മുഴുനീള സിനിമയൊരുക്കി.

സോഫിയ ഇന്‍റര്‍നാഷണൽ ഫിലിം ഫെസ്റ്റിവലിൽ സ്പെഷൽ ജ്യൂറി പുരസ്കാരവും രണ്ട് ദേശീയ ചലച്ചിത്ര പുരസ്കാരവും ലയേഴ്സ് ഡയസിന് ലഭിച്ചു. 2019ൽ നിവിൻ പോളിയെ നായകനാക്കി മലയാളത്തിലും ഹിന്ദിയിലുമായി മൂത്തോൻ എന്ന സിനിമയൊരുക്കി. നിരവധി ഫിലി ഫെസ്റ്റുവലുകളിൽ ചിത്രം പ്രദര്‍ശിപ്പിക്കപ്പെട്ടു. ന്യൂയോര്‍ക്ക് ഇന്ത്യൻ ഫിലിം ഫെസ്റ്റിവലിലും ഇൻഡോ ജർമ്മൻ ചലച്ചിത്ര മേളയിലും സിൻസിനാറ്റി അന്താരാഷ്ട്ര ചലച്ചിത്രമേളയിലുമുള്‍പ്പെടെ ചിത്രത്തിന് പുരസ്കാരങ്ങൾ ലഭിച്ചിരുന്നു.
ഇൻസ്റ്റയിൽ ഗീതു മകളോടൊപ്പം പങ്കുവെച്ചിരിക്കുന്ന പുത്തൻ ചിത്രങ്ങൾക്ക് താഴെ താരങ്ങളും ആരാധകരും ചിത്രത്തിന് കമന്‍റുകളുമായി എത്തിയിട്ടുണ്ട്. നടി അഹാന, സംവിധായിക അഞ്ജലി മേനേോൻ തുടങ്ങിയവരുള്‍പ്പെടെ നിരവധിപേര്‍ കമന്‍റ് രേഖപ്പെടുത്തിയിട്ടുണ്ട്. കുറച്ച് ദിവസങ്ങള്‍ക്ക് മുമ്പ് കേരള സാരിയുടുത്തിരിക്കുന്ന ആരാധനയുടെ ചിത്രങ്ങള്‍ പങ്കുവെച്ച് തന്‍റെ മിനിയേച്ചര്‍ വേര്‍ഷനാണ് മകളെന്ന് ഗീതു കുറിച്ചിരുന്നതും ഏറെ ശ്രദ്ധ നേടിയിരുന്നു. മകളുടെ ജന്മദിനത്തിലും ഇരുവരുമൊന്നിച്ചുള്ള ചിത്രങ്ങള്‍ പങ്കുവെച്ചിരുന്നു.

@All rights reserved Typical Malayali.