ഒരു കണക്കുകൂട്ടലുകളും ഇല്ലാതെയാണ് ജീവിതം തുടങ്ങിയത്, ഇപ്പോള്‍ 21 വര്‍ഷങ്ങളായി; ദാമ്പത്യ ജീവിതത്തെ കുറിച്ച് ദിലീപിന്റെ നായിക പറയുന്നു
ഉദയപുരം സുല്‍ത്താന്‍ എന്ന ചിത്രത്തില്‍ ദിലീപിന്റെ നായികയായി മലയാളത്തിലേക്ക് എത്തിയ നടിയാണ് പ്രീത വിജയകുമാര്‍. പിന്നീട് മമ്മൂട്ടി, കുഞ്ചാക്കോ ബോബന്‍ സിനിമകളില്‍ എല്ലാം അഭിനയിച്ചിട്ടുണ്ട്. തന്റെ ഇരുപത്തിയൊന്ന് വര്‍ഷത്തെ ജീവിതത്തെ കുറിച്ച് പറയുകയാണ് ഇപ്പോള്‍ നടി
preetha vijayakumar2
തമിഴ് നടന്‍ വിജയകുമാറിന്റെയും ആദ്യകാല നടി മഞ്ജുളയുടെയും മകളാണ് പ്രീത വിജയകുമാര്‍. സഹോദരങ്ങളായ വനിത വിജയകുമാറും, ശ്രീദേവി വിജയകുമാറും, അരുണ്‍ വിജയകുമാറുമൊക്കെ സിനിമയില്‍ തന്നെയാണ്. എന്നാല്‍ ഇന്ന് പ്രീത അറിയപ്പെടുന്നത് തമിഴിലെ ഹിറ്റ് മേക്കര്‍, സംവിധായകന്‍ ഹരിയുടെ ഭാര്യ എന്ന ലേബലിലാണ്. 21 വര്‍ഷത്തെ തങ്ങളുടെ ദാമ്പത്യ ജീവിതത്തെ കുറിച്ച് പ്രീത വിജയുമാര്‍ പറഞ്ഞ വാക്കുകളാണ് വൈറലാവുന്നത്.
ഒരു കണക്കുകൂട്ടലുകളും ഇല്ലാതെയാണ് ഞങ്ങള്‍ ജീവിതം ആരംഭിച്ചത്. ദൈവകൃപകൊണ്ട്, പിന്നീട് തിരിഞ്ഞു നോക്കേണ്ടി വന്നിട്ടില്ല. വളരെ സന്തോഷമുള്ള കുടുംബ ജീവിതമാണ് ഇപ്പോള്‍. കല്യാണം കഴിഞ്ഞ് ഇപ്പോള്‍ 21 വര്‍ഷങ്ങളായി. അന്നുള്ളത് പോലെ തന്നെയാണ് ഇന്നും എനിക്ക് ഹരി സര്‍. ഒരു മാറ്റവും അദ്ദേഹത്തിനില്ല, അതേ സ്‌നേഹവും പരിഗണനയും ഇന്നും എനിക്ക് തരുന്നുണ്ട്. ഡാഡി എന്നാണ് ഞാനദ്ദേഹത്തെ വിളിക്കുന്നത് എന്നും പ്രീത പറയുന്നു
വളരെ ചെറിയ പ്രായത്തിലാണ് അഭിനയത്തിലേക്ക് വന്നത് എന്നും നടി പറയുന്നുണ്ട്. ആദ്യ ചിത്രത്തില്‍ സൂര്യയുടെ നായികയായി അഭിനയിക്കുമ്പോള്‍ 14 – 15 വയസ്സ് മാത്രമേ ഉണ്ടായിരുന്നുള്ളൂവത്രെ. ഒരു പാഷന്റെ പുറത്ത് സിനിമയിലേക്ക് വന്ന്, ടൂറിന് പോകുന്നത് പോലെ ജോളിയായി സിനിമ ചെയ്ത് മടങ്ങുകയായിരുന്നു. ഇപ്പോള്‍ സ്‌ക്രീനില്‍ ആ സിനിമ കാണുമ്പോള്‍ എനിക്ക് തന്നെ കോമഡിയായിട്ടാണ് ഫീല്‍ ചെയ്യുന്നത്- പ്രീത പറഞ്ഞു.
സൂര്യയുടെ സിങ്കം സിനിമകള്‍ ഉള്‍പ്പടെ, സാമി, അരുള്‍, അയ്യ, താരഭരണി, വേല്‍, ആറ് പോലുള്ള ഹിറ്റ് സിനിമകളുടെ സംവിധായകനാണ് ഹരി. 2002 ല്‍ ആയിരുന്നു ഹരിയുടെയും പ്രീതയുടെയും വിവാഹം. മൂന്ന് ആണ്‍കുട്ടികളാണ് ദമ്പതികള്‍ക്കുള്ളത്. കുടുംബ വിശേഷങ്ങള്‍ പങ്കുവച്ച് പ്രീത ഇന്‍സ്റ്റഗ്രാമില്‍ എന്നും എത്താറുണ്ട്.
ദിലീപ് നായകനായ ഉദയപുരം സുല്‍ത്താന്‍ എന്ന ചിത്രത്തില്‍ അഭിനയിച്ചുകൊണ്ടാണ് പ്രതീ മലയാള സിനിമയിലേക്ക് എത്തുന്നത്. പിന്നീട് ദുബായി, റെഡ് ഇന്ത്യന്‍സ്, സ്‌നേഹിതന്‍ പോലുള്ള സിനിമകള്‍ ചെയ്തു. തമിഴില്‍ ബാലതാരമായി അഭിനയിച്ചു തുടങ്ങിയ പ്രതീത ഏറ്റവുമൊടുവില്‍ ചെയ്തത് സ്‌നേഹിതന്‍ എന്ന കുഞ്ചാക്ക ബോബന്‍ ചിത്രമാണ്. വിവാഹത്തോടെ പൂര്‍ണമായും ഇന്റസ്ട്രിയില്‍ നിന്നും മാറി നില്‍ക്കുകയാണ് പ്രീത.
@All rights reserved Typical Malayali.
Leave a Comment