കേട്ടത് സത്യമാണ്, ബിഗ് ബോസ് ഹൗസിന് ഉള്ളിലേക്ക് ദിലീപ്! ഇത് മലയാളം ബിഗ് ബോസ് ചരിത്രത്തില്‍ ആദ്യത്തെ സംഭവം!
ബിഗ് ബോസ് മലയാളം സീസണ്‍ 6 അന്‍പതാം ദിവസത്തോട് അടുക്കുമ്പോള്‍ പ്രതീക്ഷിക്കാത്ത ട്വിസ്റ്റും സസ്‌പെന്‍സുമൊക്കെയാണ് സംഭവിച്ചുകൊണ്ടിരിക്കുന്നത്. ഫിസിക്കല്‍ അസോള്‍ട്ടിന് ഇരയായ സിജോ കഴിഞ്ഞ ദിവസം ‘കാട്ടുതീയായി’ തിരിച്ചെത്തി. അതിനിടയില്‍ മാനസികാസ്വസ്ഥതകളെ തുടര്‍ന്ന് സിബിനും, ശാരീരിക അസ്വസ്ഥതകളെ തുടര്‍ന്ന് പൂജയും ബിഗ് ബോസ് ഹൗസില്‍ നിന്നും പുറത്തേക്ക് പോയി എന്ന വാര്‍ത്തകളാണ് ഏറ്റവും ഒടുവില്‍ പുറത്ത് വന്നത്.
അതിനിടയില്‍ ഇതാ മറ്റൊരു ഇന്റസ്ട്രസ്റ്റിങ് വിശേഷം കൂടെ പുറത്ത് വരുന്നു. ജനപ്രിയ നായകന്‍ ദിലീപ് ബിഗ് ബോസ് ഹൗസിന് അകത്തേക്ക് കയറുന്നു. നാളെ, ഏപ്രില്‍ 26 ന്റെ എപ്പിസോഡിലാണ് ദിലീപ് അകത്തേക്ക് കയറുന്നത്. നാളെ റിലീസാവുന്ന ഏറ്റവും പുതിയ ചിത്രമായ പവി കെയര്‍ടേക്കറിന്റെ പ്രമോഷനാര്‍ത്ഥമാണ് ഈ സ്‌പെഷ്യല്‍ എപ്പിസോഡ് വരാന്‍ പോകുന്നത്.
ഇതിന് മുന്‍പ് പല സിനിമകളുടെയും പ്രമോഷന് വേണ്ടി കമല്‍ ഹസന്‍ അടക്കമുള്ള താരങ്ങള്‍ ബിഗ് ബോസില്‍ എത്തിയിട്ടുണ്ട്. എന്നാല്‍ അത് മോഹന്‍ലാല്‍ വരുന്ന വീക്കന്റ് എപ്പിസോഡുകളില്‍ മാത്രമാണ്. പ്ലാസ്മ ടിവിയിലൂടെ മത്സരാര്‍ത്ഥികളുമായി സംവദിയ്ക്കും എന്നതിനപ്പുറം അകത്തേക്ക് കയറാറില്ല. എന്നാല്‍ മലയാളം ബിഗ് ബോസ് ചരിത്രത്തില്‍ ആദ്യമായിട്ടാണ് മോഹന്‍ലാലിനെ കൂടാതെ മറ്റൊരു മുന്‍നിര താരം ബിഗ് ബോസ് ഹൗസിലേക്ക് കയറുന്നത്.
തന്റെ പുതിയ സിനിമയെ കുറിച്ചുള്ള വിശേഷങ്ങള്‍ മത്സരാര്‍ത്ഥികളുമായി സംസാരിക്കാനാണ് ദിലീപ് അകത്തേക്ക് കയറുന്നത്. അതിനൊപ്പം മത്സരാര്‍ത്ഥികളുടെ ഗെയിമിനെ കുറിച്ചും, വീട്ടിനകത്തെ വിശേഷങ്ങളും എല്ലാം ദിലീപ് ചോദിച്ചറിയുകയും ചെയ്യും.
വിനീത് കുമാര്‍ സംവിധാനം ചെയ്യുന്ന ചിത്രമാണ് പവി കെയര്‍ ടേക്കര്‍. നീണ്ട കാലത്തിന് ശേഷം ദിലീപ് തന്റെ പഴയ ജോണര്‍ സിനിമയിലൂടെ തിരിച്ചെത്തുന്നു എന്നതാണ് പ്രേക്ഷകരുടെ പ്രതീക്ഷ. അഞ്ച് നായികമാരാണ് ഈ ചിത്രത്തിലൂടെ ദിലീപിനൊപ്പം മലയാളത്തിലെത്തുന്നത്.
@All rights reserved Typical Malayali.
Leave a Comment