13 വര്‍ഷത്തെ പ്രണയം, കീര്‍ത്തി സുരേഷ് വിവാഹം ചെയ്യാന്‍ പോകുന്നത് സ്വര്‍ണ വ്യാപാരിയുടെ മകനെ; ഇതിനൊന്നും ഒരു അവസാനമില്ല?
കരിയറില്‍ ഇപ്പോള്‍ അതിന്റെ ഏറ്റവും പീക്കില്‍ നില്‍ക്കുകയാണ് കീര്‍ത്തി സുരേഷ്. തമിഴ്, തെലുങ്ക്, മലയാളം ഇന്റസ്ട്രികളില്‍ വിജയം നേടിയ നടി ബോളിവുഡിലും അരങ്ങേറ്റം കുറിച്ചു. അഭിനയ സാധ്യതയുള്ള നല്ല നല്ല വേഷങ്ങള്‍ ഇപ്പോള്‍ കീര്‍ത്തിയെ തേടിയെത്തുന്നു. എന്നാല്‍ കീര്‍ത്തിയുടെ പുതിയ സിനിമകളെ കുറിച്ച് സംസാരിക്കുന്നതിനെക്കാള്‍ ചിലര്‍ക്ക് താത്പര്യം നടിയെ എത്രയും വേഗം കെട്ടിച്ചുവിടാനാണ്.
32 കാരിയായ കീര്‍ത്തി സുരേഷിന്റെ വിവാഹം ഇപ്പോള്‍ മലയാളത്തെക്കാള്‍ തെലുങ്ക് – തമിഴ് ഗോസിപ്പു കോളങ്ങളില്‍ അന്താരാഷ്ട്ര പ്രശ്‌നമായിരിക്കുകയാണ്. അത്രയധികം വിവാഹ ഗോസിപ്പുകളും വാര്‍ത്തകളുമാണ് വന്നുകൊണ്ടിരിയ്ക്കുന്നത്. ഏറ്റവും പുതിയ റിപ്പോര്‍ട്ടുകള്‍ പ്രകാരം കീര്‍ത്തി സുരേഷ് വിവാഹം ചെയ്യാന്‍ പോകുന്നത് സ്വര്‍ണ വ്യാപാരിയുടെ മകനെയാണത്രെ. പതിമൂന്ന് വര്‍ഷത്തെ പ്രണയത്തിനൊടുവിലാണ് വിവാഹം എന്നാണ് വാര്‍ത്തകള്‍.
എന്നാല്‍ പ്രചരിയ്ക്കുന്ന വാര്‍ത്തകളില്‍ യാതൊരു അടിസ്ഥാനവും ഇല്ല. കീര്‍ത്തിയോ കുടുംബമോ പ്രതികരിക്കുന്നത് വരെ ഇതും വെറും ഗോസിപ് മാത്രമാണ്. കാരണം ഇതിന് മുന്‍പ് പല തവണ കീര്‍ത്തിയുടെ വിവാഹം സംബന്ധിച്ച വാര്‍ത്തകള്‍ വന്നിരുന്നു. ദുബായി ബെയ്‌സ്ഡ് ബിസിനസ്സുകാരനുമായി കീര്‍ത്തിയുടെ വിവാഹം പറഞ്ഞുറപ്പിച്ചു എന്ന വാര്‍ത്ത വളരെ ശക്തമായി പ്രചരിച്ച ഒരു സമയം ഉണ്ടായിരുന്നു. എന്നാല്‍ കീര്‍ത്തിയും കുടുംബവും അത് പാടെ തള്ളി.
അതിന് ശേഷം മ്യൂസിക് സംവിധായകന്‍ അനിരുദ്ധ് രവിചന്ദറുമായി പ്രണയത്തിലാണെന്നും, വിവാഹം ഉടന്‍ ഉണ്ടാവും എന്നുമുള്ള വാര്‍ത്തകള്‍ വന്നിരുന്നു. എന്നാല്‍ കീര്‍ത്തിയുടെ അച്ഛനും അമ്മയുമായ സുരേഷ് കുമാറും മേനകയും പ്രചരിയ്ക്കുന്നത് തീര്‍ത്തും അടിസ്ഥാനരഹിതമാണെന്ന് വ്യക്തമാക്കി രംഗത്തെത്തി. അതിന് ശേഷം കുറച്ച് കാലം വിവാഹ ഗോസിപ്പുകള്‍ വന്നിരുന്നില്ല. ഇപ്പോള്‍ വീണ്ടുമൊരു വിവാഹ വാര്‍ത്ത പ്രചരിക്കുമ്പോള്‍, ഇതിനൊന്നും ഒരു അവസാനമില്ലേ എന്നാണ് ആരാധകരുടെ ചോദ്യം.
ബാലതാരമായി അഭിനയ ലോകത്ത് എത്തിയ കീര്‍ത്തി സുരേഷ്, പ്രിയദര്‍ശന്‍ സംവിധാനം ചെയ്ത ഗീതാഞ്ജലി എന്ന ചിത്രത്തിലൂടെയാണ് നായികയായി അരങ്ങേറ്റം കുറിച്ചത്. ആദ്യ ചിത്രം പരാജയപ്പെട്ടുവെങ്കിലും, പിന്നീടിങ്ങോട്ട് കീര്‍ത്തിയുടെ വളര്‍ച്ച ആരെയും അതിശയിപ്പിയ്ക്കുന്ന വിധം തന്നെയായിരുന്നു. മഹാനടി എന്ന ചിത്രത്തില്‍ ആദ്യകാല നായിക സാവിത്രിയായി എത്തിയ കീര്‍ത്തി സുരേഷ് മികച്ച നടിയ്ക്കുള്ള ദേശീയ പുരസ്‌കാരവും നേടിയെടുത്തു.
@All rights reserved Typical Malayali.
Leave a Comment